سر تا بہ قدم ایک حسیں راز کا عالماللہ رے اک فتنہ گر ناز کا عالم
زلفوں میں وہ برسات کی راتوں کی جوانیعارض پہ وہ انوار سحر ساز کا عالم
عنوان سخن غالبؔ و مومنؔ کا تغزلانداز نظر بادۂ شیراز کا عالم
دزدیدہ نگاہوں میں اک الہام کی دنیانازک سے تبسم میں اک اعجاز کا عالم
الجھے ہوئے جملوں میں شرارت بھی حیا بھیجذبات میں ڈوبا ہوا آواز کا عالم
اس سادگی حسن میں کس درجہ کشش ہےہر ناز میں اک جذبۂ غماز کا عالم
اس صید کو کیا کہیے جو خود آئے تہ دامدل میں لیے اک حسرت پرواز کا عالم
یوں تو نہ تساہل نہ تغافل نہ تجاہلکچھ اور ہے اس کافر طناز کا عالم
شوخی میں شرارت میں متانت میں حیا میںجو راز کا عالم تھا وہی راز کا عالم
— غلام ربانی تاباں
sar ta ba qadam ek haseen raaz ka alamallah re ek fitna-gar naz ka alam
zulfon mein wo barsat ki raton ki jawaniariz pe wo anwar-e-sahar-saz ka alam
unwan-e-sukhan Ghalib-o-Momin ka taghazzulandaz-e-nazar bada-e-shiraz ka alam
duzdida nigahon mein ek ilham ki duniyanazuk se tabassum mein ek ejaz ka alam
uljhe hue jumlon mein shararat bhi haya bhijazbat mein Duba hua awaz ka alam
is sadgi-e-husn mein kis darja kashish haihar naz mein ek jazba-e-ghammaz ka alam
is said ko kya kahiye jo khud aaye teh-e-damdil mein liye ek hasrat-e-parwaz ka alam
yun to na tasahul na taghaful na tajahulkuchh aur hai is kafir-e-tannaz ka alam
shokhi mein shararat mein matanat mein haya meinjo raaz ka alam tha wahi raaz ka alam