مئے گل رنگ سے لبریز رہیں جام سفیدچشم بدبیں کو کرے گردش ایام سفید
بسکہ اس بت کی طبیعت ہے زمانے سے خلافصبح پوشاک سیہ ہے تو سر شام سفید
کون سی شام نہیں صبح ہوئی اے مغرورایک دن ہوتی ہے یہ زلف سیہ فام سفید
قطرۂ اشک میں سرخی کا کہیں نام نہیںلہو تیرا بھی ہوا اے دل ناکام سفید
دل کی تسکیں کو میں پیغام صفا کا سمجھوںپرزہ کاغذ کا جو بھیجے وہ گل اندام سفید
چاندنی رات میں وہ ماہ جو یاد آتا ہےکاٹنے دوڑتے ہیں مجھ کو در و بام سفید
وصل کی شب جو ہوئی صبح یکایک تو ہوامیں ادھر زرد ادھر روئے دلارام سفید
نسبت اس فتنۂ دوراں سے کوئی اندھا دےیار کی آنکھ سیہ دیدۂ بادام سفید
کسی حالت میں نہیں فکر سے دشمن غافلآفت مرغ ہے رنگین ہو بادام سفید
بس ہے اتنی ہی زمانہ کی دو رنگی آتشؔمئے گل رنگ سے لبریز رہیں جام سفید
— حیدر علی آتش
Mai-e gul-rang se labrez rahein jaam-e safedChashm-e badbeen ko kare gardish-e ayyam-e safed
Bas-ke us but ki tabiyat hai zamane se khilafSubh poshak-e siyah hai to sar-e sham-e safed
Kaun si sham nahin subh hui aye maghroorEk din hoti hai yeh zulf-e siyah-faam safed
Qatra-e ashk mein surkhi ka kahin naam nahinLahu tera bhi hua aye dil-e nakaam safed
Dil ki taskeen ko main paigham-e safa ka samjhoonPurza kaghaz ka jo bheje woh gul-andam safed
Chandni raat mein woh mah jo yaad aata haiKaatne dauDte hain mujh ko dar o baam safed
Vasl ki shab jo hui subh yakayak to huaMain idhar zard idhar roo-e dil-aram safed
Nisbat us fitna-e dauran se koi andha deYaar ki aankh-e siyah deeda-e badam-e safed
Kisi halat mein nahin fikr se dushman ghafilAafat-e murgh hai rangeen ho badam-e safed
Bas hai itni hi zamana ki do-rangi AtishؔMai-e gul-rang se labrez rahein jaam-e safed