اب اس میں کاوش کوئی نہ کچھ اہتمام میراہوائیں محفوظ کر رہی ہیں کلام میرا
میں کچھ کریموں کے بابِ نعمت سے منسلک ہوںسو خود بخود ہو رہا ہے سب انتظام میرا
تو کیا یہی اک گُمان ہے ہر سُخن کی بنیادکہ حدِ تارِ نفس سے آگے ہو نام میرا
میں سر کشی سے سپُردگی کی طرف چلا ہوںخدا جو چاہے تو یہ بھی بن جائے کام میرا
چلا تو ہوں ایک منزلِ خوش خبر کی جانبعجب نہیں یہ سفر بھی ہو ناتمام میرا
دلوں کو تاراج کرنے آیا تھا تمکنت سےپلٹ گیا مجھ کو دیکھ کر خوش خرام میرا
جو لالہ و گُل کو خار و خس سے جُدا نہ کر پائےہر ایسے موسم کو دُور ہی سے سلام میرا
یہ قتل نامے پہ دستخط تو مرے نہیں ہیںمگر یہ خلقِ خدا جو لیتی ہے نام میرا
یہ میرے دُشمن یونہی تو پسپا نہیں ہوئے ہیںکوئی تو ہے لے رہا ہے جو انتقام میرا
— افتخارعارف
Ab is mein kawish koi na kuchh ehtemaam meraHawain mehfooz kar rahi hain kalaam mera
Main kuchh kareemon ke baab-e-naimat se munsalik hoonSo khud-b-khud ho raha hai sab intezam mera
To kya yahi ek gumaan hai har sukhan ki bunyaadKe had-e-taar-e-nafas se aage ho naam mera
Main sarkashi se supurdagi ki taraf chala hoonKhuda jo chahe to yeh bhi ban jaaye kaam mera
Chala to hoon ek manzil-e-khush-khabar ki jaanibAjab nahin yeh safar bhi ho natamaam mera
Dilon ko taaraj karne aaya tha tamkanat sePalat gaya mujh ko dekh kar khush-kharam mera
Jo laala-o-gul ko khaar-o-khas se juda na kar payeHar aise mausam ko door hi se salam mera
Yeh qatl-name pe dastakhat to mere nahin hainMagar yeh khalq-e-Khuda jo leti hai naam mera
Yeh mere dushman yoonhi to paspa nahin hue hainKoi to hai le raha hai jo inteqaam mera
