غار سے سنگ ہٹایا تو وہ خالی نکلاکسی قیدی کا نہ کردار مثالی نکلا
چڑھتے سورج نے ہر اک ہاتھ میں کشکول دیاصبح ہوتے ہی ہر اک گھر سے سوالی نکلا
سب کی شکلوں میں تری شکل نظر آئی مجھےقرعۂ فال مرے نام پہ گالی نکلا
راس آئے مجھے مرجھاتے ہوئے زرد گلابغم کا پرتو مرے چہرے کی بحالی نکلا
کٹ گیا جسم مگر سائے تو محفوظ رہےمیرا شیرازہ بکھر کر بھی مثالی نکلا
رات جب گزری تو پھر صبح حنا رنگ ہوئیآسماں جاگی ہوئی آنکھ کی لالی نکلا
رات مجھ سے بھی تو ہر گھر کے در و بام سجےچاند کی طرح مرا عکس خیالی نکلا
تخت خالی ہی رہا دل کا ہمیشہ ساجدؔاس ریاست کا تو کوئی بھی نہ والی نکلا
— اقبال ساجد
Ghaar se sang haTaya to woh khaali niklaKisi qaidi ka na kirdar misali nikla
ChaRhte suraj ne har ek haath mein kashkol diyaSubah hote hi har ek ghar se sawali nikla
Sab ki shaklon mein teri shakal nazar aayi mujheQura-e-faal mere naam pe gaali nikla
Raas aaye mujhe murjhaye hue zard gulabGham ka partau mere chehre ki bahali nikla
KaT gaya jism magar saaye to mahfooz raheMera shiraza bikhar kar bhi misali nikla
Raat jab guzri to phir subah hina-rang huiAasmaan jaagi hui aankh ki laali nikla
Raat mujh se bhi to har ghar ke dar-o-baam sajeChand ki tarah mera aks khayali nikla
Takht khaali hi raha dil ka hamesha SajidIs riyasat ka to koi bhi na wali nikla