یہ دریا ہے کوئی کہ پانی پانی گفتگو ہے – اقتدار جاوید

یہ دریا ہے کوئی کہ پانی پانی گفتگو ہےہوا کی ساحلوں سے بادبانی گفتگو ہے

سمندر تیری لہریں ہیں کہ زیریں اور زبریںسمندر تیری ساری بے کرانی گفتگو ہے

اکٹھے کر رہی ہے مامتا کومل سے تنکےشجر سے شاخچوں کی آشیانی گفتگو ہے

یہ ڈھلتی چھاؤں ہے قسمت سے ہاتھ آتے ہیں اشعارکہ دولت کی طرح یہ آنی جانی گفتگو ہے

الگ ہیں باغ میں رنگوں کی مستعمل زبانیںپرندے کے گلے کی سرخ گانی گفتگو ہے

بنایا ہے انہی لفظوں کو جیسے چھاج چھلنیکہ صحراؤں کے دن کاٹے ہیں چھانی گفتگو ہے

گلی کوچوں میں خاموشی کا برپا ہے کوئی شورکہ شہروں سے یہی نقل مکانی گفتگو ہے

چھلک اٹھتی ہے راجوں اور مہراجوں کے آگےکسی کی رنگ زا نیندوں کی رانی گفتگو ہے

جو میں اپنی طرف سے تازہ تازہ کہہ رہا ہوںکسی میرے ہی جیسے کی پرانی گفتگو ہے

— اقتدار جاوید