یہ رنگ اٹھا کے مخفی خزانے سے آیا ہوں – اقتدار جاوید

یہ رنگ اٹھا کے مخفی خزانے سے آیا ہوںمیں جیسے آنے والے زمانے سے آیا ہوں

ایسی دعا ہوں جو نہیں ہونی کبھی قبولاک تیر ہوں پلٹ کے نشانے سے آیا ہوں

پھیلی قدیم دوست کی چاروں طرف مہکپھل لے کے کتنے پیڑ پرانے سے آیا ہوں

ظاہر کہاں پہ ہونا تھا بے خانماں سرشتتیرے جہاں میں تیرے بہانے سے آیا ہوں

اترے نہیں تھے دل سے بھی ایسے تو واقعاتکچھ یاد اس کو پینے پلانے سے آیا ہوں

مجھ کو بھرے جہاں میں کوئی پوچھتا نہ تھادنیا کو میں نظر ترے آنے سے آیا ہوں

میں نے کہاں جھلکنا تھا ان پانیوں کے بیچخود کو نظر میں شیشہ بنانے سے آیا ہوں

باغوں میں پیڑ پیڑ پہ پھل پھل میں ذائقہپا کر یہ تحفے ایک گھرانے سے آیا ہوں

اک اور شکل میں ذرا اک اور طرح میںاک دوسرے میں رنگ ملانے سے آیا ہوں

— اقتدار جاوید