وہ جو یادوں کی روشنی سی تھیوہ جو آباد اک گلی سی تھی
وہ جو اک شہر تھا سمندر سااور سمندر پہ چاندنی سی تھی
وہ جو جنگل تھا اک کواڑوں کااور جنگل میں زندگی سی تھی
وہ جو دیوار پیچھے مکھڑے تھےاور مکھڑوں پہ تازگی سی تھی
وہ جو اک باڑھ تھی گلابوں کیوہ جو خوشبو دھلی دھلی سی تھی
وہ جو رستے میں ایک کٹیا تھیوہ جو بڑھیا جھکی جھکی سی تھی
وہ جو صورت پہ تھا نمک اس کیوہ جو باتوں میں چاشنی سی تھی
وہ جو لڑکی تھی اک پہیلی سیوہ پہیلی جو ان کہی سی تھی
وہ جو کونے پہ ایک جامن تھاوہ جو ڈالی ہری بھری سی تھی
وہ جو لڑکوں کی ایک گارد تھیوہ جو اک فاختہ ڈری سی تھی
وہ جو لڑکا تھا اک چھریرا سااور رنگت بھی سانولی سی تھی
نام بھی یاد ہے بتائیں کیاشکل بھی یاد ہے بھلی سی تھی
وہ جو اک پیڑ تھا پرانا ساپیڑ اوپر جو اک پری سی تھی
وہ جو ویراں سی ایک مسجد تھیوہ جو دیوار اک گری سی تھی
شاہ جنات جس میں رہتا تھاٹیڑھی میڑھی جو اک گلی سی تھی
وہ جو بوڑھا تھا سرخ آنکھوں کاوہ جو لڑکی بجھی بجھی سی تھی
وہ جو بادل سا ایک پردہ تھاایک کھڑکی جو ادھ کھلی سی تھی
وہ جو کاغذ ملا دلا سا تھاوہ جو چٹھی مڑی تڑی سی تھی
وہ جو تھے آنسوؤں سے بگڑے حرفروشنائی اڑی اڑی سی تھی
وہ جو آنکھیں تھیں اک ستارہ سیوہ جو اک لو چراغ کی سی تھی
رات وہ حال پوچھنے آئےرات میں بھی تھکی تھکی سی تھی
میری مٹھی میں ایک کاغذ تھااور مٹھی بھنچی ہوئی سی تھی
پاس خبروں کا ایک ملبہ تھاتھی جو تصویر ادھ جلی سی تھی
اک خبر تھی بہت ادھوری سیایک سرخی کٹی پٹی سی تھی
اختلافات نے اجاڑ دیاوہ جو بستی بھری پری سی تھی
گھر جلے ہیں ہواؤں کی شہہ پرآتش غم تو بس یوں ہی سی تھی
— عشرت آفریں
Wo jo yaadon ki roshni si thiWo jo abaad ek gali si thi
Wo jo ek shehar tha samandar saAur samandar pe chandni si thi
Wo jo jangal tha ek kuwaaron kaAur jangal mein zindagi si thi
Wo jo deewar peechhe mukhde theAur mukhdon pe tazgi si thi
Wo jo ek baadh thi gulabon kiWo jo khushboo dhuli dhuli si thi
Wo jo raste mein ek kutiya thiWo jo budhiya jhuki jhuki si thi
Wo jo surat pe tha namak uskiWo jo baaton mein chashni si thi
Wo jo ladki thi ek paheli siWo paheli jo an-kahi si thi
Wo jo kone pe ek jamun thaWo jo daali hari bhari si thi
Wo jo ladkon ki ek gaard thiWo jo ek fakhta dari si thi
Wo jo ladka tha ek chhareera saAur rangat bhi sanwali si thi
Naam bhi yaad hai batayen kyaShakl bhi yaad hai bhali si thi
Wo jo ek ped tha purana saPed upar jo ek pari si thi
Wo jo veeran si ek masjid thiWo jo deewar ek giri si thi
Shah jinnat jis mein rehta thaTedhi medhi jo ek gali si thi
Wo jo boodha tha surkh aankhon kaWo jo ladki bujhi bujhi si thi
Wo jo badal sa ek parda thaEk khidki jo adh-khuli si thi
Wo jo kaghaz mila dula sa thaWo jo chitthi mudi tadi si thi
Wo jo the aansuon se bigde harfRoshnayi udi udi si thi
Wo jo aankhen thin ek sitara siWo jo ek lau chiragh ki si thi
Raat wo haal poochhne aayeRaat mein bhi thaki thaki si thi
Meri mutthi mein ek kaghaz thaAur mutthi bhinchi hui si thi
Paas khabron ka ek malba thaThi jo tasveer adh-jali si thi
Ek khabar thi bahut adhoori siEk surkhi kati pati si thi
Ikhtilafat ne ujaad diyaWo jo basti bhari pari si thi
Ghar jale hain hawaon ki shah parAtish-e-gham to bas yun hi si thi
