تا ابد ایک ہی چرچا ہوگاکوئی ہم سا کوئی تم سا ہوگا
اسی تاریک زمیں کا منظرچاند پر چاندنی جیسا ہوگا
سورج آیا ہے مری سمت مگردوسری سمت اندھیرا ہوگا
کاش پہلے سے کوئی بتلا دےکس طرح ذکر ہمارا ہوگا
ایسے بیگانہ نہ سننا لوگویہ بھی افسانہ کسی کا ہوگا
وہ نہیں آئے گا اس محفل میںدور ہی دور سے سنتا ہوگا
آئی بے ساختہ ہر شعر پہ دادکتنے معنی نہیں سمجھا ہوگا
کون تھا جس نے رکھی تجھ سے امیدہاں تو وہ شخص مجھی سا ہوگا
کون تھا ابر جو بن کر برساہاں تو وہ تجھ کو ترستا ہوگا
کون تھا جس سے ہوئی طے منزلہاں تو پہلے وہ بھٹکتا ہوگا
کون تھا جس سے یہ شعلے بھڑکےہاں تو وہ خوب سلگتا ہوگا
تم رہو چپ کہ غزل خواں عالؔینہ برا ہوگا نہ اچھا ہوگا
— جمیل الدین عالی
Ta abad ek hi charcha hogaKoi hum sa koi tum sa hoga
Isi tareek zameen ka manzarChand par chandni jaisa hoga
Suraj aaya hai meri simt magarDoosri simt andhera hoga
Kaash pehle se koi batla deKis tarah zikr hamara hoga
Aise begana na sunna logoYe bhi afsana kisi ka hoga
Wo nahin aayega is mahfil meinDoor hi door se sunta hoga
Aai be-sakhta har sher pe daadKitne ma'ani nahin samjha hoga
Kaun tha jis ne rakhi tujh se ummeedHaan to wo shakhs mujhi sa hoga
Kaun tha abr jo ban kar barsaHaan to wo tujh ko tarasta hoga
Kaun tha jis se hui tai manzilHaan to pehle wo bhaTakta hoga
Kaun tha jis se ye sholay bhaDkeHaan to wo khoob sulagta hoga
Tum raho chup ke ghazal-khwan 'AliNa bura hoga na achha hoga
