کوئی بہار کی خاطر کوئی خزاں کے لیےبس ایک میں ہی رہا صرف گلستاں کے لیے
الٰہی مجھ سے نظر چھین لے کہ اہل نظرتمام عمر تڑپتے ہیں رازداں کے لیے
مسرتیں جو ملیں تیرے لطف پیہم سےمچل رہی ہیں کسی جور ناگہاں کے لیے
مجھے ہیں خار سے کچھ خاص نسبتیں کہ یہ گلبہار میں نہ کھلا رونق خزاں کے لیے
ہمیں ان اہل سخن میں نہ کر شمار کہ یہفغاں بھی کرتے ہیں خوش وقتئ فغاں کے لیے
کریں نہ ذکر تمہارا تو کیا کریں کہ ہمیںکچھ اور مل نہ سکا اپنی داستاں کے لیے
ہمارے دیس میں ایران و نجد سے استادبلائے جاتے ہیں تعلیم عاشقاں کے لیے
ہمارے شہر میں فن کے اجارہ داروں نےکچل رکھا ہے دلوں کو فقط زباں کے لیے
ہم اپنے دیس اور اپنے ہی شہر میں عالیؔگدا گری پہ ہیں مجبور سوز جاں کے لیے
— جمیل الدین عالی
Koi bahaar ki khaatir koi khizaan ke liyeBas ek main hi raha sirf gulistaan ke liye
Ilahi mujh se nazar chheen le ke ahl-e-nazarTamaam umr taDapte hain raazdaan ke liye
Masarratein jo milein tere lutf-e-paiham seMachal rahi hain kisi jaur-e-naagahaan ke liye
Mujhe hain khaar se kuch khaas nisbaten ke ye gulBahaar mein na khula raunaq-e-khizaan ke liye
Hamein un ahl-e-sukhan mein na kar shumaar ke yeFughaan bhi karte hain khush-waqti-e-fughaan ke liye
Karein na zikr tumhara to kya karein ke hameinKuch aur mil na saka apni daastaan ke liye
Hamare des mein Iran o Najd se ustaadBulae jaate hain taleem-e-aashiqan ke liye
Hamare shahr mein fan ke ijara-daaron neKuchal rakha hai dilon ko faqat zabaan ke liye
Hum apne des aur apne hi shahr mein 'AliGada gari pe hi hain majboor soz-e-jaan ke liye
