ذرا موسم تو بدلا ہے مگر پیڑوں کی شاخوں پر نئے پتوں کے آنے میں ابھی کچھ دن لگیں گےبہت سے زرد چہروں پر غبار غم ہے کم بے شک پر ان کو مسکرانے میں ابھی کچھ دن لگیں گے
کبھی ہم کو یقیں تھا زعم تھا دنیا ہماری جو مخالف ہے تو ہو جائے مگر تم مہرباں ہوہمیں یہ بات ویسے یاد تو اب کیا ہے لیکن ہاں اسے یکسر بھلانے میں ابھی کچھ دن لگیں گے
جہاں اتنے مصائب ہوں جہاں اتنی پریشانی کسی کا بے وفا ہونا ہے کوئی سانحہ کیابہت معقول ہے یہ بات لیکن اس حقیقت تک دل ناداں کو لانے میں ابھی کچھ دن لگیں گے
کوئی ٹوٹے ہوئے شیشے لئے افسردہ و مغموم کب تک یوں گزارے بے طلب بے آرزو دنتو ان خوابوں کی کرچیں ہم نے پلکوں سے جھٹک دیں پر نئے ارماں سجانے میں ابھی کچھ دن لگیں گے
توہم کی سیہ شب کو کرن سے چاک کر کے آگہی ہر ایک آنگن میں نیا سورج اتارےمگر افسوس یہ سچ ہے وہ شب تھی اور یہ سورج ہے یہ سب کو مان جانے میں ابھی کچھ دن لگیں گے
پرانی منزلوں کا شوق تو کس کو ہے باقی اب نئی ہیں منزلیں ہیں سب کے دل میں جن کے ارماںبنا لینا نئی منزل نہ تھا مشکل مگر اے دل نئے رستے بنانے میں ابھی کچھ دن لگیں گے
اندھیرے ڈھل گئے روشن ہوئے منظر زمیں جاگی فلک جاگا تو جیسے جاگ اٹھی زندگانیمگر کچھ یاد ماضی اوڑھ کے سوئے ہوئے لوگوں کو لگتا ہے جگانے میں ابھی کچھ دن لگیں گے
— جاوید اختر
Zara mausam to badla hai magar pedon ki shaakhon par naye patton ke aane mein abhi kuch din lagengeBahut se zard chehron par ghubar-e-gham hai kam be-shak par un ko muskurane mein abhi kuch din lagenge
Kabhi hum ko yaqeen tha za'am tha duniya hamari jo mukhalif hai to ho jaaye magar tum meherbaan hoHamein yeh baat waise yaad to ab kya hai lekin haan use yaksar bhulane mein abhi kuch din lagenge
Jahan itne masaib hon jahan itni pareshani kisi ka be-wafa hona hai koi saneha kyaBahut maqool hai yeh baat lekin is haqeeqat tak dil-e-nadaa ko laane mein abhi kuch din lagenge
Koi toote hue sheeshe liye afsurda-o-maghmoom kab tak yoon guzare be-talab be-aarzoo dinTo un khwabon ki kirchiyan hum ne palkon se jhatak diin par naye armaan sajaane mein abhi kuch din lagenge
Tawahhum ki siyah shab ko kiran se chaak kar ke aagahi har ek aangan mein naya suraj utaareMagar afsos yeh sach hai woh shab thi aur yeh suraj hai yeh sab ko maan jaane mein abhi kuch din lagenge
Purani manzilon ka shauq to kis ko hai baqi ab nayi hain manzilein hain sab ke dil mein jin ke armaanBana lena nayi manzil na tha mushkil magar ae dil naye raste banane mein abhi kuch din lagenge
Andhere dhal gaye roshan hue manzar zameen jaagi falak jaaga to jaise jaag uthi zindaganiMagar kuch yaad-e-maazi odh ke soye hue logon ko lagta hai jagaane mein abhi kuch din lagenge