کیسی آسودگی جب تلک مر نہیں دیکھتےجن کے پیش ِنظر عشق ہو ، سر نہیں دیکھتے
جیسے میں دیکھتا ہوں جو مجھ کو دکھائی نہ دےآپ کیوں اپنے من چاہے منظر نہیں دیکھتے
اور تو ایسی کوئی شکایت نہیں ہے مگرآپ میری جگہ خود کو رکھ کر نہیں دیکھتے
اور یہ اک طرح کا ہم ایسوں پہ احسان ہےدیکھنے والی شے لوگ اکثر نہیں دیکھتے
میں نہیں دیکھتا کیونکہ میری الگ بات ہےلوگ کس منہ سے اُس کو مکرّر نہیں دیکھتے
دیکھنا ، دیکھ سکنے کے باعث مرا فرض ہےاور پھر اِس لیے بھی کہ دیگر نہیں دیکھتے
فرض تھوڑی ہے بندے کو ہر بات کا علم ہوکیا بتائیں کہ ہم کیوں میسّر نہیں دیکھتے
ہم کو جواد سمجھانے والا بھی کوئی نہیںکچھ بھی کرتے ہوئے اپنی چادر نہیں دیکھتے
— جواد شیخ
Kaisī āsūdgi jab talak mar nahīñ dekhteJin ke pesh-e-nazar ishq ho, sar nahīñ dekhte
Jaise maiñ dekhtā hūñ jo mujh ko dikhāī na deĀp kyoñ apne man chāhe manzar nahīñ dekhte
Aur to aisī koi shikāyat nahīñ hai magarĀp merī jagah khud ko rakh kar nahīñ dekhte
Aur yeh ik tarah ka hum aisoñ pe ehsān haiDekhne wālī shai log aksar nahīñ dekhte
Maiñ nahīñ dekhtā kyoñke merī alag bāt haiLog kis muñh se us ko mukarrar nahīñ dekhte
Dekhnā, dekh sakne ke bā'is mirā farz haiAur phir is liye bhi ke dīgar nahīñ dekhte
Farz thoṛī hai bande ko har bāt ka ilm hoKya batāeñ ke hum kyoñ mayassar nahīñ dekhte
Hum ko Jawādؔ samjhāne wālā bhi koi nahīñKuchh bhi karte hue apnī chādar nahīñ dekhte
