میں نے چاہا تو نہیں تھا کہ کبھی ایسا ہولیکن اب ٹھان چکے ہو تو چلو اچھا ہو
ہم تو یہ بھی نہیں کہتے کہ ہمیں کیا مطلباُس کو ہوتا ہے کوئی غم تو بھلے ہوتا ہو
تم سے ناراض تو میں اور کسی بات پہ ہوںتم مگر اور کسی وجہ سے شرمندہ ہو
اب کہیں جا کے یہ معلوم ہوا ہے مجھ کوٹھیک رہ جاتا ہے جو شخص ترے جیسا ہو
ایسے حالات میں ہو بھی کوئی حسّاس تو کیااور بے حس بھی اگر ہو تو کوئی کتنا ہو
جا کے پوچھو تو سہی اُسکی خموشی کا سببکیا خبر دل میں کوئی بات لیے بیٹھا ہو
اور ہی طرح کے رستے کی تمنّا ہے مجھےجو کسی اور ہی منزل کی طرف جاتا ہو
تاکہ تُو سمجھے کہ مَردوں کے بھی دُکھ ہوتے ہیںمیں نے چاہا بھی یہی تھا کہ ترا بیٹا ہو
— جواد شیخ
Main ne chaha to nahin tha ke kabhi aisa hoLekin ab thaan chuke ho to chalo achha ho
Hum to yeh bhi nahin kehte ke hamein kya matlabUs ko hota hai koi gham to bhale hota ho
Tum se naraaz to main aur kisi baat pe hoonTum magar aur kisi wajah se sharminda ho
Ab kahin ja ke yeh maloom hua hai mujh koTheek reh jaata hai jo shakhs tere jaisa ho
Aise halaat mein ho bhi koi hassas to kyaAur be-his bhi agar ho to koi kitna ho
Ja ke poocho to sahi uski khamoshi ka sababKya khabar dil mein koi baat liye baitha ho
Aur hi tarah ke raste ki tamanna hai mujheJo kisi aur hi manzil ki taraf jaata ho
Taake tu samjhe ke mardon ke bhi dukh hote hainMain ne chaha bhi yehi tha ke tera beta ho
