میں چاہتا ہوں کہ دل میں ترا خیال نہ ہوعجب نہیں کہ مری زندگی وبال نہ ہو
میں چاہتا ہوں تو یک دم ہی چھوڑ جائے مجھےیہ ہر گھڑی ترے جانے کا احتمال نہ ہو
میں چاہتا ہوں محبت پہ اب کی بار آئےزوال ایسا کہ جس کو کبھی زوال نہ ہو
میں چاہتا ہوں محبت سرے سے مٹ جائےمیں چاہتا ہوں اسے سوچنا محال نہ ہو
میں چاہتا ہوں محبت مجھے فنا کر دےفنا بھی ایسا کہ جس کی کوئی مثال نہ ہو
میں چاہتا ہوں محبت مرا وہ حال کرےکہ خواب میں بھی دوبارہ کبھی مجال نہ ہو
میں چاہتا ہوں کہ اتنا ہی ربط رہ جائےوہ یاد آئے مگر بھولنا محال نہ ہو
میں چاہتا ہوں مری آنکھیں نوچ لی جائیںترا خیال کسی طور پامال نہ ہو
میں چاہتا ہوں کہ میں زخم زخم ہو جاؤںاور اس طرح کہ کبھی خوف اندمال نہ ہو
مری مثال ہو سب کی نگاہ میں جوادؔمیں چاہتا ہوں کسی اور کا یہ حال نہ ہو
— جواد شیخ
Main chahta hoon ke dil mein tera khayal na hoAjab nahin ke meri zindagi wabaal na ho
Main chahta hoon tu yak-dam hi chhod jaye mujheYeh har ghadi tere jaane ka ihtimal na ho
Main chahta hoon mohabbat pe ab ki baar aayeZawal aisa ke jis ko kabhi zawal na ho
Main chahta hoon mohabbat sire se mit jayeMain chahta hoon use sochna mahaal na ho
Main chahta hoon mohabbat mujhe fana kar deFana bhi aisa ke jis ki koi misaal na ho
Main chahta hoon mohabbat mera woh haal kareKe khwab mein bhi dobara kabhi majaal na ho
Main chahta hoon ke itna hi rabt reh jayeWoh yaad aaye magar bhoolna mahaal na ho
Main chahta hoon meri aankhein noch li jayenTera khayal kisi taur payemaal na ho
Main chahta hoon ke main zakhm zakhm ho jaaunAur is tarah ke kabhi khauf-e-indimaal na ho
Meri misaal ho sab ki nigah mein JawaadMain chahta hoon kisi aur ka yeh haal na ho