تم اگر سیکھنا چاہو مجھے بتلا دیناعام سا فن تو کوئی ہے نہیں تحفہ دینا
ایک ہی شخص ہے جس کو یہ ہنر آتا ہےروٹھ جانے پہ فضا اور بھی مہکا دینا
بھانپ لینا کہ بہت وقت نہیں اس کے پاساور پھر اس کو کسی بحث میں الجھا دینا
حسن دنیا میں اسی کام کو بھیجا گیا ہےکہ جہاں آگ لگی ہو اسے بھڑکا دینا
ان بزرگوں کا یہی کام ہوا کرتا تھاجہاں خوبی نظر آئی اسے چمکا دینا
دل بتاتا ہے مجھے عقل کی باتیں کیا کیابندہ پوچھے کہ ترا ہے کوئی لینا دینا
اور کچھ یاد نہ رہتا تھا لڑائی میں اسےہاں مگر میرے گزشتہ کا حوالہ دینا
اس کی فطرت میں نہ تھا ترک تعلق لیکندوسرے شخص کو اس نہج پہ پہنچا دینا
جانتا تھا کہ بہت خاک اڑائے گا مریکوئی آسان نہیں تھا اسے رستہ دینا
یہ وہ منصب ہیں جو اپنوں کو دئے جاتے ہیںیاد کیا رکھنا اسے اور بھلا کیا دینا
کیا پتہ خود سے چھڑی جنگ کہاں لے جائےجب بھی یاد آؤں مری جان کا صدقہ دینا
دل کا سامان کوئی خاک خریدے اس سےیاد ہی جس کو نہ رہتا ہو بقایا دینا
بات کرنے سے گریزاں نظر آتے ہیں مگرختم ہے حضرت جوادؔ پہ لقمہ دینا
— جواد شیخ
Tum agar seekhna chaho mujhe batla denaAam sa fan to koi hai nahin tohfa dena
Ek hi shakhs hai jis ko ye hunar aata haiRooth jaane pe faza aur bhi mahka dena
Bhaamp lena ki bahut waqt nahin us ke paasAur phir us ko kisi bahas mein uljha dena
Husn duniya mein isi kaam ko bheja gaya haiKi jahan aag lagi ho use bhadka dena
Un buzurgon ka yehi kaam hua karta thaJahan khoobi nazar aayi use chamka dena
Dil batata hai mujhe aql ki baaten kya kyaBanda poochhe ki tera hai koi lena dena
Aur kuch yaad na rehta tha ladai mein useHaan magar mere guzishta ka hawala dena
Us ki fitrat mein na tha tark-e-ta'alluq lekinDoosre shakhs ko is nahaj pe pahuncha dena
Jaanta tha ki bahut khaak udaayega meriKoi aasaan nahin tha use rasta dena
Ye woh mansab hain jo apnon ko diye jaate hainYaad kiya rakhna use aur bhala kya dena
Kya pata khud se chhidi jang kahan le jayeJab bhi yaad aaun meri jaan ka sadqa dena
Dil ka saman koi khaak khareede us seYaad hi jis ko na rehta ho baqaya dena
Baat karne se gurezan nazar aate hain magarKhatm hai hazrat Jawad pe luqma dena
