نظر ملا کے مرے پاس آ کے لوٹ لیانظر ہٹی تھی کہ پھر مسکرا کے لوٹ لیا
شکست حسن کا جلوہ دکھا کے لوٹ لیانگاہ نیچی کئے سر جھکا کے لوٹ لیا
دہائی ہے مرے اللہ کی دہائی ہےکسی نے مجھ سے بھی مجھ کو چھپا کے لوٹ لیا
سلام اس پہ کہ جس نے اٹھا کے پردۂ دلمجھی میں رہ کے مجھی میں سما کے لوٹ لیا
انہیں کے دل سے کوئی اس کی عظمتیں پوچھےوہ ایک دل جسے سب کچھ لٹا کے لوٹ لیا
یہاں تو خود تری ہستی ہے عشق کو درکاروہ اور ہوں گے جنہیں مسکرا کے لوٹ لیا
خوشا وہ جان جسے دی گئی امانت عشقرہے وہ دل جسے اپنا بنا کے لوٹ لیا
نگاہ ڈال دی جس پر حسین آنکھوں نےاسے بھی حسن مجسم بنا کے لوٹ لیا
بڑے وہ آئے دل و جاں کے لوٹنے والےنظر سے چھیڑ دیا گدگدا کے لوٹ لیا
رہا خراب محبت ہی وہ جسے تو نےخود اپنا درد محبت دکھا کے لوٹ لیا
کوئی یہ لوٹ تو دیکھے کہ اس نے جب چاہاتمام ہستئ دل کو جگا کے لوٹ لیا
کرشما سازی حسن ازل ارے توبہمرا ہی آئینہ مجھ کو دکھا کے لوٹ لیا
نہ لٹتے ہم مگر ان مست انکھڑیوں نے جگرؔنظر بچاتے ہوئے ڈبڈبا کے لوٹ لیا
— جگر مراد آبادی
Nazar milā ke mere paas aa ke luuT liyāNazar haTī thī ki phir muskurā ke luuT liyā
Shikast-e-husn kā jalva dikhā ke luuT liyāNigāh nīchī kiye sar jhukā ke luuT liyā
Duhā.ī hai mere Allāh kī duhā.ī haiKisī ne mujh se bhī mujh ko chhupā ke luuT liyā
Salām us pe ki jis ne uThā ke parda-e-dilMujhī meñ rah ke mujhī meñ samā ke luuT liyā
Inhīñ ke dil se koī us kī azmateñ pūchheVo ek dil jise sab kuchh luTā ke luuT liyā
Yahāñ to ḳhud tirī hastī hai ishq ko darkārVo aur hoñge jinheñ muskurā ke luuT liyā
Khushā vo jāñ jise dī ga.ī amānat-e-ishqRahe vo dil jise apnā banā ke luuT liyā
Nigāh Daal dī jis par hasīñ āñkhoñ neUse bhī husn-e-mujassam banā ke luuT liyā
BaḌhe vo aa.e dil o jāñ ke luuTne vaaleNazar se chheḌ diyā gudgudā ke luuT liyā
Rahā ḳharāb-e-mohabbat hī vo jise tū neKhud apnā dard-e-mohabbat dikhā ke luuT liyā
Koī ye luuT to dekhe ki us ne jab chāhāTamām hastī-e-dil ko jagā ke luuT liyā
Karishma-sāzī-e-husn-e-azal are taubaMirā hī ā.īna mujh ko dikhā ke luuT liyā
Na luTte ham magar in mast ankhḌiyoñ ne jigarNazar bachāte hue ḌabḌabā ke luuT liyā