دوستو وقت ہے پھر زخم جگر تازہ کریںپردہ جنبش میں ہے پھر آؤ نظر تازہ کریں
تاکجا نالۂ غربت کہ چلی باد شمالدل میں پھر زمزمۂ عزم سفر تازہ کریں
آؤ پھر دھوم سے ہو آج غروب اور طلوعسنت بندگئ شمس و قمر تازہ کریں
آؤ چل کر رخ نا شستہ کو دیکھیں دم صبحموج رنگ افق و نور سحر تازہ کریں
کلہ فقر کو کج کر کے سر بزم نشاطآؤ رسم کہن تاج و کمر تازہ کریں
آؤ پھر جلوۂ جاناں پہ لٹا دیں کونینشغل پارینۂ ارباب نظر تازہ کریں
طبق زر میں لگا کر پئے نظر جاناںآؤ پھر آبروئے لعل و گہر تازہ کریں
آؤ پھر جوشؔ کو دے کر لقب شاہ سخندل و دین سخن و جان ہنر تازہ کریں
— جوش ملیح آبادی
Dosto waqt hai phir zakhm-e jigar taza kareinParda jumbish mein hai phir aao nazar taza karein
Ta-kuja nala-e ghurbat ke chali bad-e shamalDil mein phir zamzama-e azm-e safar taza karein
Aao phir dhoom se ho aaj ghuroob aur tulooSunnat-e bandagi-e shams-o-qamar taza karein
Aao chal kar rukh-e na shusta ko dekhein dam-e subhMauj-e rang-e ufuq-o-noor-e sahar taza karein
Kulah-e faqr ko kaj kar ke sar-e bazm-e nishatAao rasm-e kuhan-e taj-o-kamar taza karein
Aao phir jalwa-e janan pe luta dein kaunainShughl-e pareena-e arbab-e nazar taza karein
Tabaq-e zar mein laga kar pai-e nazar jananAao phir aabru-e laal-o-guhar taza karein
Aao phir Josh ko de kar laqab-e shah-e sukhanDil-o-deen-e sukhan-o-jan-e hunar taza karein