چاند ٹوٹا پگھل گئے تارےقطرہ قطرہ ٹپک رہی ہے رات
پلکیں آنکھوں پہ جھکتی آتی ہیںانکھڑیوں میں کھٹک رہی ہے رات
آج چھیڑو نہ کوئی افسانہآج کی رات ہم کو سونے دو
کھلتے جاتے ہیں سمٹے سکڑے جالگھلتے جاتے ہیں خون میں بادل
اپنے گلنار پنکھ پھیلائےآ رہے ہیں اسی طرف جنگل
گل کرو شمع، رکھ دو پیمانہآج کی رات ہم کو سونے دو
شام سے پہلے مر چکا تھا شہرکون دروازہ کھٹکھٹاتا ہے
اور اونچی کرو یہ دیواریںشور آنگن میں آیا جاتا ہے
کہہ دو ہے آج بند مے خانہآج کی رات ہم کو سونے دو
جسم ہی جسم ہیں، کفن ہی کفنبات سنتے نہ سر جھکاتے ہیں
امن کی خیر، کوتوال کی خیرمردے قبروں سے نکلے آتے ہیں
کوئی اپنا نہ کوئی بیگانہآج کی رات ہم کو سونے دو
کوئی کہتا تھا، ٹھیک کہتا تھاسرکشی بن گئی ہے سب کا شعار
قتل پر جن کو اعتراض نہ تھادفن ہونے کو کیوں نہیں تیار
ہوشمندی ہے آج سو جاناآج کی رات ہم کو سونے دو
— کیفی اعظمی
Chāñd ṭūṭā pighal ga.e tāreQatra qatra ṭapak rahī hai raat
Palkeñ āñkhoñ pe jhuktī aatī haiñAñkhṛiyoñ meñ khaṭak rahī hai raat
Aaj chheṛo na koī afsānaAaj kī raat ham ko sone do
Khulte jaate haiñ simṭe sukṛe jālGhulne jaate haiñ ḳhūn meñ bādal
Apne gulnār pankh phailā.eAa rahe haiñ isī taraf jañgal
Gul karo sham'a, rakh do paimānaAaj kī raat ham ko sone do
Shām se pahle mar cukā thā shaharKaun darvāza khaṭkhaṭātā hai
Aur ūñchī karo ye dīvāreñShor āñgan meñ aayā jātā hai
Kah do hai aaj band mai-ḳhānaAaj kī raat ham ko sone do
Jism hī jism haiñ, kafan hī kafanBaat sunte na sar jhukāte haiñ
Amn kī ḳhair, kotvāl kī ḳhairMurde qabroñ se nikle aate haiñ
Koī apnā na koī begānaAaj kī raat ham ko sone do
Koī kahtā thā, Thīk kahtā thāSarkashī ban ga.ī hai sab kā shi'ār
Qatl par jin ko e'tirāz na thāDafan hone ko kyūñ nahīñ tayyār
Hoshmandī hai aaj so jānāAaj kī raat ham ko sone do
