جہاں حضور کی محسوس کی کمی میں نےوہاں نہ پائی فضاؤں میں روشنی میں نے
خرد کو سونپ کے احساس کمتری میں نےخود اپنی راہ نکالی کبھی کبھی میں نے
ترے کرم کے مزے خوب خوب لوٹے ہیںتڑپ تڑپ کے گزاری ہے زندگی میں نے
نہ جیتنے کی تمنا نہ ہار کی پرواخلوص عشق کی بازی لگا تو دی میں نے
کسی پہ مرنے سے اتنا تو فائدہ پہنچانہ جانے کتنوں کو بخشی ہے زندگی میں نے
تری نگاہ میں میرا مقام کچھ بھی سہیجنوں کی شرم بہر حال رکھ تو لی میں نے
سر نیاز رہا ان کے پائے ناز رہےبڑے مزے سے گزاری ہے زندگی میں نے
یہ کیا کمال نہیں جرأت محبت کامزاج حسن کو بخشی ہے برہمی میں نے
زبان خلق سے قاصد کا کام لینا تھاجو دل کی بات ہزاروں میں ڈال دی میں نے
وہ اک نگاہ کہ سب کچھ ہی جس نے لوٹ لیااسی نگاہ سے پائی ہے زندگی میں نے
کمال بادہ کشی ہو کہ زہد کاملؔ ہونگاہ یار کی اکثر شراپ پی میں نے
— کامل شطاری
Jahan Huzoor ki mehsoos ki kami main neWahan na paayi fizaon mein roshni main ne
Khirad ko saunp ke ehsaas-e-kamteri main neKhud apni raah nikali kabhi kabhi main ne
Tere karam ke maze khoob khoob loote hainTadap tadap ke guzari hai zindagi main ne
Na jeetne ki tamanna na haar ki parwaKhuloos-e-ishq ki baazi laga toh di main ne
Kisi pe marne se itna toh faida pahunchaNa jaane kitno ko bakhshi hai zindagi main ne
Teri nigah mein mera maqam kuch bhi sahiJunoon ki sharm bahar haal rakh toh li main ne
Sar-e-niyaaz raha unke paa-e-naaz raheBade maze se guzari hai zindagi main ne
Ye kya kamal nahi jurrat-e-mohabbat kaMizaj-e-husn ko bakhshi hai barhami main ne
Zuban-e-khalq se qaasid ka kaam lena thaJo dil ki baat hazaaron mein daal di main ne
Woh ik nigah ke sab kuch hi jis ne loot liyaIsi nigah se paayi hai zindagi main ne
Kamal-e-baada kashi ho ke zuhd-e-Kamil hoNigah-e-yaar ki aksar sharab pi main ne