حال ہوا جب پوچھنے آئی ہم مجبوروں سےکوئی بات کہاں بن پائی ہم مجبوروں سے
آج سبھی دکھ آنسو بن کر آنکھ میں تیر گئےکھیل رہی تھی کھیل خدائی ہم مجبوروں سے
وہ بے پردہ وہ بے پروا وہ یک سر یک تالبات کرے یا وہ ہرجائی ہم مجبوروں سے
پاؤں توڑ کے بیٹھ رہے ہیں راہ کے پتھر بھیچاہ رہے تھے راہ نمائی ہم مجبوروں سے
کس آہٹ کی بہار سے پگ پگ دھول کے پھول کھلےکس موسم نے ٹھوکر کھائی ہم مجبوروں سے
کس کے لمس کے عکس نما ہیں خوشبو کے جھونکےپوچھ نہ بیٹھے گل صحرائی ہم مجبوروں سے
بال نچوڑ کے جھٹکے کس نے دکھ کے دل بادلپوچھ رہی ہے یہ پروائی ہم مجبوروں سے
درد کے رخ دروازے رکھیں چاند کے رخ کھڑکیکاش کرائے وہ چنوائی ہم مجبوروں سے
کار نمو آغاز رہے گا گور ہو یا گلشنرت نے سیکھی گل آرائی ہم مجبوروں سے
آنکھیں ہونٹوں کے تالے بھی کھلتے دیکھیں گیدنیا چھین تو لے گویائی ہم مجبوروں سے
راہ دکھانے والے کس دن کس پل آ پہنچیںکب چھن جائے یہ بینائی ہم مجبوروں سے
نور چراغ طاق تغافل دل تاریک نہ کربول کچھ اے ماہ یکتائی ہم مجبوروں سے
زہر پیالہ پی لو خالدؔ سلگ اٹھو خالدؔکیا کیا کہتی تھی شہنائی ہم مجبوروں سے
— خالد احمد
Haal hua jab poochhne aayi hum majburo'n seKoi baat kahaan ban paayi hum majburo'n se
Aaj sabhi dukh aansoo ban kar aankh mein tir gayeKhel rahi thi khel khudayi hum majburo'n se
Woh be-parda woh be-parwa woh yak sar yak taarBaat kare ya woh harjayi hum majburo'n se
Paao'n tod ke baithh rahe hain raah ke patthar bhiChah rahe thhe raah numayi hum majburo'n se
Kis aahat ki bahaar se pag pag dhool ke phool khileKis mausam ne thhokar khayi hum majburo'n se
Kis ke lams ke aks numa hain khushboo ke jhonkePoochh na baithhe gul sahraayi hum majburo'n se
Baal nichod ke jhatke kis ne dukh ke dil baadalPoochh rahi hai yeh parwaayi hum majburo'n se
Dard ke rukh darwaze rakhein chaand ke rukh khirkiKaash karaye woh chunwayi hum majburo'n se
Kaar namoo aaghaz rahega gour ho ya gulshanRut ne seekhi gul aarayi hum majburo'n se
Aankhein honto'n ke taale bhi khulte dekhengiDuniya chheen to le goyayi hum majburo'n se
Raah dikhane wale kis din kis pal aa pahunche'nKab chhan jaaye yeh beenayi hum majburo'n se
Noor chiragh-e-taaq-e-taghaful dil taareek na karBol kuch ae mah-e-yaktaayi hum majburo'n se
Zehar piyala pi lo 'Khalid', silag uthho 'Khalid'Kya kya kehti thi shehnayi hum majburo'n se