ربط کس سے تھا کسے کس کا شناسا کون تھا – خالد احمد

ربط کس سے تھا کسے کس کا شناسا کون تھاشہر بھر تنہا تھا لیکن مجھ سا تنہا کون تھا

میں سمندر تھا مگر ویراں تھا صحرا کی طرحمیرے گھر تک چل کے آتا اتنا پیاسا کون تھا

ریزۂ سنگ انا تھا راہ کا کوہ گراںبڑھ کے لگ جاتا مرے سینے سے ایسا کون تھا

سطح پر خاموشیوں کی گونج ہے نوحہ کناںاپنی گہرائی کے دریا میں جو ڈوبا کون تھا

ذات آخر ذات تھی شہکار پھر شہکار تھیکس کے فن کے واسطے سے کس کو سمجھا کون تھا

پاؤں دھرتی پر تھے لیکن ذہن تھے آکاش پرسب کے سب میری طرح بکھرے تھے یکجا کون تھا

کچھ برے تھے کچھ بھلے تھے خار کچھ گل زار کچھہر کوئی انسان تھا آخر فرشتہ کون تھا

وہ بھڑک اٹھا تو خالدؔ سوچتا ہی رہ گیاخوب رو پیکر کے اندر تند خو سا کون تھا

— خالد احمد