رہی ہے پردۂ الفت میں مصلحت کیا کیاعداوتوں میں ہوئی ہے مفاہمت کیا کیا
مرے عزیز وطن کی فضا نے بھر دی ہےمری سرشت کے اندر منافقت کیا کیا
کبھی اصول کی غیرت کبھی زیاں کا سوالدماغ و دل میں رہی ہے مشاورت کیا کیا
صدائے دل کو تہ دل میں قید کر کے رکھارہا ہے طوق گلو شوق عافیت کیا کیا
مہک تھمی جو لہو کی تو چونک کر ہم نےہوا سے پوچھی ہے زخموں کی خیریت کیا کیا
بہت عزیز ہیں آنکھوں کی پتلیاں لیکنملے ہیں دکھ بھی مجھے ان کی معرفت کیا کیا
بہت دنوں میں کل آئینہ سامنے پا کرہوئی ہے عمر گزشتہ کی تعزیت کیا کیا
اٹا ہوا بسر و چہرہ سیم و زر کا غبارملی ہے لاشۂ افکار کی دیت کیا کیا
نہاں ہے ترکش امکاں میں ناوک تقدیرمدام سر پہ ستارے ہیں ان گنت کیا کیا
— خورشیدرضوی
Rahi hai parda-e-ulfat mein maslahat kya kyaAdaawaton mein hui hai mufaahamat kya kya
Mere azeez watan ki faza ne bhar di haiMeri sarisht ke andar munaafiqat kya kya
Kabhi usool ki ghairat kabhi ziyaan ka sawaalDimaagh-o-dil mein rahi hai mushaawarat kya kya
Sada-e-dil ko tah-e-dil mein qaid kar ke rakhaRaha hai tauq-e-gulu shauq-e-aafiyat kya kya
Mehak thami jo lahoo ki to chaunk kar hum neHawa se poochhi hai zakhmon ki khairiyat kya kya
Bahut azeez hain aankhon ki putliyaan lekinMile hain dukh bhi mujhe un ki maarifat kya kya
Bahut dinon mein kal aaina saamne paa karHui hai umr-e-guzishta ki taaziyat kya kya
Ata hua ba-sar-o-chehra seem-o-zar ka ghubaarMili hai laasha-e-afkaar ki diyat kya kya
Nihaan hai tarkash-e-imkaan mein naawak-e-taqdeerMudaam sar pe sitaare hain an-ginat kya kya
