گو رات مری صبح کی محرم تو نہیں ہےسورج سے ترا رنگ حنا کم تو نہیں ہے
کچھ زخم ہی کھائیں چلو کچھ گل ہی کھلائیںہرچند بہاراں کا یہ موسم تو نہیں ہے
چاہے وہ کسی کا ہو لہو دامن گل پرصیاد یہ کل رات کی شبنم تو نہیں ہے
اتنی بھی ہمیں بندش غم کب تھی گواراپردے میں تری کاکل پرخم تو نہیں ہے
اب کارگہ دہر میں لگتا ہے بہت دلاے دوست کہیں یہ بھی ترا غم تو نہیں ہے
صحرا میں بگولا بھی ہے مجروحؔ صبا بھیہم سا کوئی آوارۂ عالم تو نہیں ہے
— مجروح سلطانپوری
Go raat meri subh ki mehram to nahin haiSuraj se tera rang-e-hina kam to nahin hai
Kuch zakhm hi khayen chalo kuch gul hi khilayenHarchand baharan ka yeh mausam to nahin hai
Chaahe woh kisi ka ho lahu daman-e-gul parSayyad yeh kal raat ki shabnam to nahin hai
Itni bhi hamein bandish-e-gham kab thi gawaraParde mein teri kakul-e-purkham to nahin hai
Ab kargah-e-dahr mein lagta hai bahut dilAe dost kaheen yeh bhi tera gham to nahin hai
Sehra mein bagula bhi hai Majrooh saba bhiHum sa koi aawara-e-aalam to nahin hai
