عشق مجھ کو نہیں وحشت ہی سہیمیری وحشت تری شہرت ہی سہی
قطع کیجے نہ تعلق ہم سےکچھ نہیں ہے تو عداوت ہی سہی
میرے ہونے میں ہے کیا رسوائیاے وہ مجلس نہیں خلوت ہی سہی
ہم بھی دشمن تو نہیں ہیں اپنےغیر کو تجھ سے محبت ہی سہی
اپنی ہستی ہی سے ہو جو کچھ ہوآگہی گر نہیں غفلت ہی سہی
عمر ہرچند کہ ہے برق خرامدل کے خوں کرنے کی فرصت ہی سہی
ہم کوئی ترک وفا کرتے ہیںنہ سہی عشق مصیبت ہی سہی
کچھ تو دے اے فلک ناانصافآہ و فریاد کی رخصت ہی سہی
ہم بھی تسلیم کی خو ڈالیں گےبے نیازی تری عادت ہی سہی
یار سے چھیڑ چلی جائے اسدؔگر نہیں وصل تو حسرت ہی سہی
— مرزا غالب
Ishq mujh ko nahin wahshat hi sahiMeri wahshat teri shohrat hi sahi
Qat'a kije na ta'alluq hum seKuch nahin hai to adawat hi sahi
Mere hone mein hai kya ruswaiAe wo majlis nahin khalwat hi sahi
Hum bhi dushman to nahin hain apneGhair ko tujh se mohabbat hi sahi
Apni hasti hi se ho jo kuch hoAagahi gar nahin ghaflat hi sahi
Umar harchand ke hai barq-kharamDil ke khoon karne ki fursat hi sahi
Hum koi tark-e-wafa karte hainNa sahi ishq museebat hi sahi
Kuch to de ae falak-e-na-insafAah-o-faryaad ki rukhsat hi sahi
Hum bhi tasleem ki khu dalengeBe-niyazi teri aadat hi sahi
Yaar se chhed chali jae AsadؔGar nahin vasl to hasrat hi sahi
