جہاں تیرا نقش قدم دیکھتے ہیںخیاباں خیاباں ارم دیکھتے ہیں
دل آشفتگاں خال کنج دہن کےسویدا میں سیر عدم دیکھتے ہیں
ترے سرو قامت سے اک قد آدمقیامت کے فتنے کو کم دیکھتے ہیں
تماشا کہ اے محو آئینہ داریتجھے کس تمنا سے ہم دیکھتے ہیں
سراغ تف نالہ لے داغ دل سےکہ شب رو کا نقش قدم دیکھتے ہیں
بنا کر فقیروں کا ہم بھیس غالبؔتماشائے اہل کرم دیکھتے ہیں
کسو کو زخود رستہ کم دیکھتے ہیںکہ آہو کو پابند رم دیکھتے ہیں
خط لخت دل یک قلم دیکھتے ہیںمژہ کو جواہر رقم دیکھتے ہیں
— مرزا غالب
Jahan tera naqsh-e-qadam dekhte hainKhiyaban khiyaban Iram dekhte hain
Dil-aashuftagan-e-khaal-e-kunj-e-dahan keSwaida mein sair-e-adam dekhte hain
Tere sarv-e-qaamat se ik qadd-e-aadamQayamat ke fitne ko kam dekhte hain
Tamasha ke ae mahv-e-aaina-dariTujhe kis tamanna se hum dekhte hain
Suragh-e-taff-e-nalah le dagh-e-dil seKe shab-rau ka naqsh-e-qadam dekhte hain
Bana kar faqeeroun ka hum bhes GhalibؔTamasha-e-ahl-e-karam dekhte hain
Kisu ko z-khud rasta kam dekhte hainKe aahu ko paband-e-ram dekhte hain
Khatt-e-lakht-e-dil yak qalam dekhte hainMizha ko jawaahir-e-raqam dekhte hain
