الہام کی رم جھم کہیں بخشش کی گھٹا ہےیہ دل کا نگرہے کہ مدینے کی فضا ہے
سانسوں میں مہکتی ہیں مناجات کی کلیاںکلیوں کے کٹوروں پہ ترا نام لکھا ہے
آیات کی جھرمٹ میں ترے نام کی مسندلفظوں کی انگوٹھی میں نگینہ سا جڑا ہے
اب کو ن حدِ حسن طلب سوچ سکے گاکونین کی وسعت تو تہہ دستِ دعا ہے
ہے تیری کسسک میں بھی دمک حشر کے دن کیوہ یوں کہ مرا قریہ جاں گونج اُٹھا ہے
خورشید تری راہ میں بھٹکتا ہوا جگنومہتاب ترا ریزہ نقشِ کفِ پا ہے
واللیل ترے سایہ گیسو کا تراشاوالعصر تری نیم نگاہی کی ادا ہے
لمحوں میں سمٹ کر بھی ترا درد ہے تازہصدیوں میں بھی بکھر کر ترا عشق نیا ہے
یا تیرے خدوخال سے خیرہ مہ و انجمیا دھوپ نے سایہ ترا خود اُوڑھ لیا ہے
یا رات نے پہنی ہے ملاحت تری تن پریا دن ترے اندازِ صباحت پہ گیا ہے
رگ رگ نے سمیٹی ہے ترے نام کی فریادجب جب بھی پریشان مجھے دنیا نے کیا ہے
خالق نے قسم کھائی ہے اُس شہر اماں کیجس شہر کی گلیوں نے تجھے ورد کیا ہے
اِک بار ترا نقشِ قدم چوم لیا تھااب تک یہ فلک شکر کے سجدے میں جھکا ہے
دل میں ہو تری یاد تو طوفاں بھی کنارہحاصل ہو ترا لطف تو صرصر بھی صبا ہے
غیروں پہ بھی الطاف ترے سب سے الگ تھےاپنوں پہ بھی نوازش کا انداز جدا ہے
ہر سمت ترے لطف و عنایت کی بارشہر سو ترا دامانِ کرم پھیل گیا ہے
ہے موجِ صبا یا ترے سانسوں کی بھکارنہے موسم گل یا تری خیراتِ قبا ہے
سورج کو اُبھرنے نہیں دیتا ترا حبشیبے زر کو ابوذر تیری بخشش نے کیا ہے
ثقلین کی قسمت تری دہلیز کا صدقہعالم کا مقدر ترے ہاتھوں پہ لکھا ہے
اُترے کا کہاں تک کوئی آیات کی تہہ میںقرآن تری خاطر ابھی مصروفِ ثنا ہے
اب اور بیاں کیا ہوکسی سے تیری مدحتیہ کم تو نہیں ہے کہ تو محبوبِ خدا ہے
اے گنبدِ خضرا کے مکین میری مدد کریا پھر یہ بتا کون میرا تیرے سوا ہے
بخشش تری آنکھوں کی طرف دیکھ رہی ہےمحسن ترے دربار میں چپ چاپ کھڑا ہے
— محسن نقوی
Ilham ki rim jhim kahin bakhshish ki ghata haiYeh dil ka nagar hai ke Madine ki fiza hai
Saanson mein mahakti hain munajaat ki kaliyanKaliyon ke katoron pe tera naam likha hai
Aayaat ki jhurmat mein tere naam ki masnadLafzon ki angoothi mein nageena sa jura hai
Ab ko na hadd-e-husn-e-talab soch sakegaKoneen ki wusat to teh dast-e-dua hai
Hai teri kasak mein bhi damak hashr ke din kiWoh yun ke mera qarya-e-jaan goonj utha hai
Khurshid teri raah mein bhatakta hua jugnuMahtaab tera reza-e-naqsh-e-kaf-e-pa hai
Wal-lail tere saya-e-gesu ka tarashaWal-asr teri neem nigahi ki ada hai
Lamhon mein simat kar bhi tera dard hai tazaSadiyon mein bhi bikhar kar tera ishq naya hai
Ya tere khad-o-khal se khaira mah-o-anjumYa dhoop ne saya tera khud oodh liya hai
Ya raat ne pehni hai malaahat teri tan parYa din tere andaaz-e-sabaahat pe gaya hai
Rag rag ne sameeti hai tere naam ki faryaadJab jab bhi pareshan mujhe duniya ne kiya hai
Khaliq ne qasam khai hai us shehar-e-aman kiJis shehar ki galiyon ne tujhe wird kiya hai
Ik baar tera naqsh-e-qadam choom liya thaAb tak yeh falak shukr ke sajde mein jhuka hai
Dil mein ho teri yaad to toofan bhi kinaraHaasil ho tera lutf to sarsar bhi saba hai
Gairon pe bhi altaf tere sab se alag تھےApnon pe bhi nawazish ka andaaz juda hai
Har simt tere lutf-o-inayat ki barishHar soo tera daaman-e-karam phail gaya hai
Hai mauj-e-saba ya tere saanson ki bhikaranHai mausam-e-gul ya teri khairaat-e-qaba hai
Suraj ko ubharne nahin deta tera HabshiBe-zar ko Abu Zar teri bakhshish ne kiya hai
Saqlain ki qismat teri dehleez ka sadqaAalam ka muqaddar tere haathon pe likha hai
Utrega kahan tak koi aayaat ki teh meinQuran teri khaatir abhi masroof-e-sana hai
Ab aur bayan kiya ho kisi se teri midhatYeh kam to nahin hai ke tu mehboob-e-Khuda hai
Aye Gumbad-e-Khizra ke makeen meri madad karYa phir yeh bata kaun mera tere siwa hai
Bakhshish teri aankhon ki taraf dekh rahi haiMohsin tere darbaar mein chup chaap khara hai
