12 اشعار

کرتا ہے قتل عام وہ اغیار کے لیے

Karta hai qatl-e-aam woh aghyar ke liye

مومن خان مومن
کرتا ہے قتل عام وہ اغیار کے لیے

«کرتا ہے قتل عام وہ اغیار کے لیے» مومن خان مومن کا کلام ہے، جسے گلشن شیرازی نے سحرِ بیاں کی ایکس سپیس «جب دیا رنج بتوں نے تو خدا یاد آیا مومن خان مومن» میں 28 جنوری 2026 کو اپنی آواز میں پیش کیا۔ ریکارڈنگ کا دورانیہ 1 منٹ 35 سیکنڈ ہے۔

کرتا ہے قتل عام وہ اغیار کے لیےدس بیس روز مرتے ہیں دو چار کے لیے

دیکھا عذاب رنج دل زار کے لیےعاشق ہوئے ہیں وہ مرے آزار کے لیے

دل عشق تیری نذر کیا جان کیونکہ دوںرکھا ہے اس کو حسرت دیدار کے لیے

قتل اس نے جرم صبر جفا پر کیا مجھےیہ ہی سزا تھی ایسے گنہ گار کے لیے

لے تو ہی بھیج دے کوئی پیغام تلخ ابتجویز زہر ہے ترے بیمار کے لیے

آتا نہیں ہے تو تو نشانی ہی بھیج دےتسکین اضطراب دل زار کے لیے

کیا دل دیا تھا اس لیے میں نے تمہیں کہ تمہو جاؤ یوں عدو مرے اغیار کے لیے

چلنا تو دیکھنا کہ قیامت نے بھی قدمطرز خرام و شوخئ رفتار کے لیے

جی میں ہے موتیوں کی لڑی اس کو بھیج دوںاظہار حال چشم گہربار کے لیے

دیتا ہوں اپنے لب کو بھی گلبرگ سے مثالبوسے جو خواب میں ترے رخسار کے لیے

جینا امید وصل پہ ہجراں میں سہل تھامرتا ہوں زندگانیٔ دشوار کے لیے

مومنؔ کو تو نہ لائے کہیں دام میں وہ بتڈھونڈے ہے تار سبحہ کے زنار کے لیے

— مومن خان مومن

کس نے پڑھا

یہ کلام محفلوں میں

گلشن شیرازیجب دیا رنج بتوں نے تو خدا یاد آیا مومن خان مومن