14 اشعار

قہر ہے موت ہے قضا ہے عشق

Qahar hai maut hai qaza hai ishq

مومن خان مومن
قہر ہے موت ہے قضا ہے عشق

«قہر ہے موت ہے قضا ہے عشق» مومن خان مومن کا کلام ہے، جسے ثنا سوئٹ نے سحرِ بیاں کی ایکس سپیس «جب دیا رنج بتوں نے تو خدا یاد آیا مومن خان مومن» میں 28 جنوری 2026 کو اپنی آواز میں پیش کیا۔ ریکارڈنگ کا دورانیہ 1 منٹ 16 سیکنڈ ہے۔

قہر ہے موت ہے قضا ہے عشقسچ تو یوں ہے بری بلا ہے عشق

اثر غم ذرا بتا دیناوہ بہت پوچھتے ہیں کیا ہے عشق

آفت جاں ہے کوئی پردہ نشیںکہ مرے دل میں آ چھپا ہے عشق

بوالہوس اور لاف جانبازیکھیل کیسا سمجھ لیا ہے عشق

وصل میں احتمال شادی مرگچارہ گر درد بے دوا ہے عشق

سوجھے کیونکر فریب دل داریدشمن آشنا نما ہے عشق

کس ملاحت سرشت کو چاہاتلخ کامی پہ بامزا ہے عشق

ہم کو ترجیح تم پہ ہے یعنیدل ربا حسن و جاں ربا ہے عشق

دیکھ حالت مری کہیں کافرنام دوزخ کا کیوں دھرا ہے عشق

دیکھیے کس جگہ ڈبو دے گامیری کشتی کا ناخدا ہے عشق

اب تو دل عشق کا مزا چکھاہم نہ کہتے تھے کیوں برا ہے عشق

آپ مجھ سے نباہیں گے سچ ہےباوفا حسن و بے وفا ہے عشق

میں وہ مجنون وحشت آرا ہوںنام سے میرے بھاگتا ہے عشق

قیس و فرہاد و وامق و مومنؔمر گئے سب ہی کیا وبا ہے عشق

— مومن خان مومن

کس نے پڑھا

یہ کلام محفلوں میں

ثنا سوئٹجب دیا رنج بتوں نے تو خدا یاد آیا مومن خان مومن