بے وجہ نئیں ہے آئنہ ہر بار دیکھناکوئی دم کو پھولتا ہے یہ گل زار دیکھنا
نرگس کی طرح خاک میں میری اگیں ہیں چشمٹک آن کے یہ حسرت دیدار دیکھنا
کھینچے تو تیغ ہے حرم دل کے صید پراے عشق پر بھلا تو مجھے مار دیکھنا
ہے نقص جان دید ترا پر یہی ہے دھنجی جاؤ یار ہو مجھے یک بار دیکھنا
اے طفل اشک ہے فلک ہفتمیں پہ عرشآگے قدم نہ رکھیو تو زنہار دیکھنا
پوچھے خدا سبب جو مرے اشتیاق کامیری زباں سے ہو یہی اظہار دیکھنا
ہر نقش پا پہ تڑپے ہے یارو ہر ایک دلٹک واسطے خدا کے یہ رفتار دیکھنا
کرتا تو ہے تو آن کے سوداؔ سے اختلاطکوئی لہر آ گئی تو مرے یار دیکھنا
تجھ بن عجب معاش ہے سوداؔ کا ان دنوںتو بھی ٹک اس کو جا کے ستم گار دیکھنا
نے حرف و نے حکایت و نے شعر و نے سخننے سیر باغ و نے گل و گلزار دیکھنا
خاموش اپنے کلبۂ احزاں میں روز و شبتنہا پڑے ہوئے در و دیوار دیکھنا
یا جا کے اس گلی میں جہاں تھا ترا گزرلے صبح تا بہ شام کئی بار دیکھنا
تسکین دل نہ اس میں بھی پائی تو بہر شغلپڑھنا یہ شعر گر کبھو اشعار دیکھنا
کہتے تھے ہم نہ دیکھ سکیں روز ہجر کوپر جو خدا دکھائے سو ناچار دیکھنا
— محمد رفیع سودا
Be wajah nahin hai aaina har baar dekhnaKoi dam ko phoolta hai ye gulzaar dekhna
Nargis ki tarah khaak mein meri ugein hain chashmTak aan ke ye hasrat-e-deedaar dekhna
Kheenchi to tegh hai haram dil ke said parAye ishq par bhala tu mujhe maar dekhna
Hai nuqs-e-jaan deed tera par yehi hai dhunJi jaao yaar ho mujhe yak baar dekhna
Aye tifl-e-ashk hai falak haftameen pe arshAage qadam na rakhiyo tu zinhaar dekhna
Poochhe Khuda sabab jo mere ishtiyaaq kaMeri zabaan se ho yehi izhaar dekhna
Har naqsh-e-pa pe tarpe hai yaaro har ek dilTak waaste Khuda ke ye raftaar dekhna
Karta to hai tu aan ke Sauda se ikhtelaatKoi lehar aa gayi to mere yaar dekhna
Tujh bin ajab ma'ash hai Sauda ka in dinoTu bhi tak is ko jaa ke sitamgaar dekhna
Ne harf-o-ne hikayat-o-ne sher-o-ne sukhanNe sair-e-baagh-o-ne gul-o-gulzaar dekhna
Khamosh apne kaba-e-ahzaan mein roz-o-shabTanha pade hue dar-o-deewar dekhna
Ya jaa ke us gali mein jahan tha tera guzarLe subh ta ba shaam kayi baar dekhna
Taskeen-e-dil na is mein bhi paayi to behr-e-shoghlPadhna ye sher gar kabhoo ash'aar dekhna
Kehte the hum na dekh sakein roz-e-hijr koPar jo Khuda dikhaaye so naachaar dekhna
