جب یار نے اٹھا کر زلفوں کے بال باندھےتب میں نے اپنے دل میں لاکھوں خیال باندھے
دو دن میں ہم تو ریجھے اے وائے حال ان کاگزرے ہیں جن کے دل کو یاں ماہ و سال باندھے
تار نگہ میں اس کے کیونکر پھنسے نہ یہ دلآنکھوں نے جس کے لاکھوں وحشی غزال باندھے
جو کچھ ہے رنگ اس کا سو ہے نظر میں اپنیگو جامہ زرد پہنے یا چیرہ لال باندھے
تیرے ہی سامنے کچھ بہکے ہے میرا نالہورنہ نشانے ہم نے مارے ہیں بال باندھے
بوسہ کی تو ہے خواہش پر کہیے کیونکہ اس سےجس کا مزاج لب پر حرف سوال باندھے
ماروگے کس کو جی سے کس پر کمر کسی ہےپھرتے ہو کیوں پیارے تلوار ڈھال باندھے
دو چار شعر آگے اس کے پڑھے تو بولامضموں یہ تو نے اپنے کیا حسب حال باندھے
سوداؔ جو ان نے باندھا زلفوں میں دل سزا ہےشعروں میں اس کے تو نے کیوں خط و خال باندھے
— محمد رفیع سودا
Jab yaar ne utha kar zulfon ke baal baandheTab main ne apne dil mein laakhon khayaal baandhe
Do din mein hum to reejhe ae waaye haal un kaGuzre hain jin ke dil ko yaan maah o saal baandhe
Taar-e-nigah mein us ke kyun kar phanse na yeh dilAankhon ne jis ke laakhon wahshi ghazal baandhe
Jo kuch hai rang us ka so hai nazar mein apniGo jaama-e-zard pehne ya cheera-e-laal baandhe
Tere hi saamne kuch behke hai mera naalaWarna nishaanein hum ne maare hain baal baandhe
Bosa ki to hai khwahish par kahiye kyun ke us seJis ka mizaaj lab par harf-e-sawaal baandhe
Maaroge kis ko ji se kis par kamar kasi haiPhirte ho kyun pyare talwaar dhaal baandhe
Do chaar sher aage us ke padhe to bolaMazmoon yeh tu ne apne kya hasb-e-haal baandhe
Sauda jo un ne baandha zulfon mein dil saza haiSheron mein us ke tu ne kyun khat o khaal baandhe
