نہ بُجھا چراغِ دیارِ دل | Na Bujha Charagh-e-Diyar-e-Dil – نا معلوم

نہ بُجھا چراغِ دیارِ دلنہ بچھڑنے کا تُو ملال کر۔۔۔

تُجھے دے گی جینے کا حوصلہمیری یاد رکھ لے سنبھال کر۔۔۔

یہ بھی کیا کہ ایک ہی شخص کوکبھی سوچنا کبھی بھولنا۔۔۔

جو نہ بجھ سکے وہ دیا جلاجو نہ ہو سکے وہ کمال کر۔۔۔

غمِ آرزو مری جستجومَیں سمٹ کے آ گیا روبرو۔۔۔

یہ سکوتِ مرگ ہے کس لئےمَیں جواب دوں، تُو سوال کر۔۔۔

تُو بچھڑ رہا ہے تو سوچ لےتیرے ہاتھ ہے میری زندگی۔۔۔

تُجھے روکنا میری موت ہےمیری بے بسی کا خیال کر۔۔۔

یہ جو ایک ساعتِ وصل ہےسرِ سطحِ ذہن جمی ہوئی۔۔۔

اُسی ایک ساعتِ وصل کوکبھی ماہ کر کبھی سال کر۔۔۔

میرے درد کا، میرے ضبط کامیری بے بسی، میرے صبر کا۔۔۔

جو یقیں نہ آئے تو دیکھ لےتُو ہوا مِیں پھول اُچھال کر۔۔۔

تیری سرحدوں پہ مَیں کیوں رُکوںمُجھے روک مت، مُجھے جانے دے۔۔۔

میری ساری عمر سفر کی ہےمُجھے اس قدر نہ نڈھال کر۔۔۔

جو خوشی ملی وہ قبول کرمُجھے چھوڑ دے، مُجھے بھول جا۔۔۔

مَیں ہوں ستم آشناتُو بس اپنے گھر کا خیال کر۔۔۔

— نا معلوم

کس نے پڑھا

یہ کلام محفلوں میں