مجھ کو اپنی موت کی دستک نے زندہ کر دیا ہےدوڑتا پھرتا ہوں
سارے کام نپٹانے کی جلدی ہےپہاڑوں اور جھیلوں کی خموشی سے
قدیمی گیت سننے ہیں پرانے داستانی بھید لینے ہیںدرختوں سے نموکاری کی بابت پوچھنا ہے
نت نئی شکلیں بناتے بادلوں کو دیکھنا ہےخوش نوا اچھے پرندوں سے
اڑن پھل کا پتا معلوم کرنا ہےعروسی بیل کے پھولوں کو چھونا ہے
در و دیوار سے باتیں بھی کرنی ہیںابھی کتنے ملاقی منتظر ہیں
ایک لمبی لسٹ ہے آنکھوں میں نادیدہ نظاروں کیفشار خون بڑھتا جا رہا ہے
اب کسی لمحے رگیں پھٹنے کا خطرہ ہےمگر مصروف ہوں سب کام نپٹانے کی جلدی ہے
سمندر نے بلایا ہےجزیرے اور ساحل بھی
کئی قرنوں سے مجھ کو یاد کرتے ہیںمچھیرے گیت گاتے بستیوں کو لوٹتے
مجھ کو بہت ہی ہانٹ کرتے ہیںکسی دن جاؤں گا ملنے
خزانوں کو اگلنے کے لیےبے تاب ہیں رقبے طلسمی سر زمینوں کے
سفر کے راستے معلوم ہیںنقشے پرانے کاٹھ کے صندوق میں محفوظ ہیں سب
دیو بانی بھی سمجھتا ہوںمگر مصروف ہوں
بچوں کے کتنے کام باقی ہیںکتابیں کاپیاں اسکول کے کپڑے نئے بستے
کھلونے بیٹ ریکٹاور بہت سی ان کہی چیزیں
خریدوں گا تو خوش ہوں گےمگر مصروف ہوں سب کام نپٹانے کی جلدی ہے
رگوں میں خون کی رفتار بڑھتی جا رہی ہےزندگی پر اک جنون مرگ طاری ہے
بہت مصروف ہوںسرپٹ لکھے جاتا ہوں نظمیں
مجھ کو اپنی موت کی دستک نے زندہ کر دیا ہے!!
— نصیر احمد ناصر
Mujh ko apni maut ki dastak ne zinda kar diya haiDaorta phirta hoon
Saare kaam niptane ki jaldi haiPahaaron aur jheelon ki khamoshi se
Qadeemi geet sunne hain puraane daastaani bhed lene hainDarakhton se namookaari ki baabat poochhna hai
Nit nayi shaklen banaate baadlon ko dekhna haiKhush nawa achhe parindon se
Udan phal ka pata maloom karna haiAroosi bail ke phoolon ko chhoona hai
Dar-o-deewar se baatein bhi karni hainAbhi kitne mulaaqi muntazir hain
Ek lambi list hai aankhon mein naadeeda nazaaron kiFishaar-e-khoon barhta ja raha hai
Ab kisi lamhe ragein phatne ka khatra haiMagar masroof hoon sab kaam niptane ki jaldi hai
Samandar ne bulaya haiJazeere aur saahil bhi
Kayi qarnon se mujh ko yaad karte hainMachhere geet gaate bastiyon ko loot-te
Mujh ko bahut hi haunt karte hainKisi din jaon ga milne
Khazanon ko ugalne ke liyeBe-taab hain raqbe tilismi sar zameenon ke
Safar ke raaste maloom hainNaqshe puraane kaath ke sandooq mein mahfooz hain sab
Deo baani bhi samajhta hoonMagar masroof hoon
Bachon ke kitne kaam baaqi hainKitaaben kaapiyan school ke kapde naye baste
Khilone bat racketAur bahut si an-kahi cheezen
Khareedon ga to khush hon geMagar masroof hoon sab kaam niptane ki jaldi hai
Ragon mein khoon ki raftaar barhti ja rahi haiZindagi par ek junoon-e-marg taari hai
Bahut masroof hoonSarpat likhe jaata hoon nazmen
Mujh ko apni maut ki dastak ne zinda kar diya hai!!