ستارہ شام سے نکلا ہوا ہے – نصیر احمد ناصر

ستارہ شام سے نکلا ہوا ہےدیا بھی طاق میں رکھا ہوا ہے

کہیں وہ رات بھی مہکی ہوئی ہےکہیں وہ چاند بھی چمکا ہوا ہے

ابھی وہ آنکھ بھی سوئی نہیں ہےابھی وہ خواب بھی جاگا ہوا ہے

کسی بادل کو چھو کر آ رہی ہےہوا کا پیرہن بھیگا ہوا ہے

زمیں بے عکس ہو کر رہ گئی ہےفلک کا آئنہ میلا ہوا ہے

خموشی جھانکتی ہے کھڑکیوں سےگلی میں شور سا پھیلا ہوا ہے

ہوا گم صم کھڑی ہے راستے میںمسافر سوچ میں ڈوبا ہوا ہے

کوئی نیندوں میں خوشبو گھولتا ہےدریچہ خواب کا مہکا ہوا ہے

کسی گزرے برس کی ڈائری میںتمہارا نام بھی لکھا ہوا ہے

چراغ شام کی آنکھیں بجھی ہیںستارہ خواب کا ٹوٹا ہوا ہے

سفر کی رات ہے ناصرؔ دلوں میںعجب اک درد سا ٹھہرا ہوا ہے

— نصیر احمد ناصر

کس نے پڑھا

یہ کلام محفلوں میں