آسمانوں سے زمیں کی طرف آتے ہوئے ہمایک مجمع کے لیے شعر سناتے ہوئے ہم
کس گماں میں ہیں ترے شہر کے بھٹکے ہوئے لوگدیکھنے والے پلٹ کر نہیں جاتے ہوئے ہم
کیسی جنت کے طلب گار ہیں تو جانتا ہےتیری لکھی ہوئی دنیا کو مٹاتے ہوئے ہم
ریل دیکھی ہے کبھی سینے پہ چلنے والییاد تو ہوں گے تجھے ہاتھ ہلاتے ہوئے ہم
توڑ ڈالیں گے کسی دن گھنے جنگل کا غرورلکڑیاں چنتے ہوئے آگ جلاتے ہوئے ہم
تم تو سردی کی حسیں دھوپ کا چہرہ ہو جسےدیکھتے رہتے ہیں دیوار سے جاتے ہوئے ہم
خود کو یاد آتے ہی بے ساختہ ہنس پڑتے ہیںکبھی خط تو کبھی تصویر جلاتے ہوئے ہم
— نعمان شوق
Aasmanon se zameen ki taraf aate hue humEk majma'a ke liye sher sunate hue hum
Kis gumaan mein hain tere shahar ke bhatke hue logDekhne wale palat kar nahin jaate hue hum
Kaisi jannat ke talabgaar hain tu jaanta haiTeri likhi hui duniya ko mitate hue hum
Rail dekhi hai kabhi seene pe chalne waliYaad to honge tujhe haath hilate hue hum
Tod dalenge kisi din ghane jungle ka ghuroorLakdiyan chunte hue aag jalate hue hum
Tum to sardi ki haseen dhoop ka chehra ho jiseDekhte rehte hain deewar se jaate hue hum
Khud ko yaad aate hi be-saakhta hans padte hainKabhi khat to kabhi tasveer jalate hue hum