یوں میں سیدھا گیا وحشت میں بیاباں کی طرفہاتھ جس طرح سے آتا ہے گریباں کی طرف
بیٹھے بیٹھے دل غمگیں کو یہ کیا لہر آئیاٹھ کے طوفان چلا دیدۂ گریاں کی طرف
دیکھنا لالۂ خود رو کا لہکنا ساقیکوہ سے دوڑ گئی آگ بیاباں کی طرف
رو دیا دیکھ کے اکثر میں بہار شبنمہنس دیا دیکھ کے اکثر گل خنداں کی طرف
بات چھپتی نہیں پڑتی ہیں نگاہیں سب کیاس کے دامن کی طرف میرے گریباں کی طرف
سیکڑوں داغ گنہ دھو گئے رحمت سے تریکیا گھٹا جھوم کے آئی تھی گلستاں کی طرف
چشم آئینہ پریشاں نظری سیکھ گئیدیکھتا تھا یہ بہت زلف پریشاں کی طرف
سر جھکائے ہوئے ہے نظمؔ بسان خامہسمت سجدے کی ہے تیری خط فرماں کی طرف
— نظم طباطبائی
Yun main seedha gaya wahshat mein bayaban ki tarafHaath jis tarah se aata hai gareban ki taraf
Baithe baithe dil-e-ghamgeen ko ye kya lahar aayiUth ke toofan chala deeda-e-giryan ki taraf
Dekhna lala-e-khud-rau ka lahakna saqiKoh se daud gayi aag bayaban ki taraf
Ro diya dekh ke aksar main bahar-e-shabnamHans diya dekh ke aksar gul-e-khandan ki taraf
Baat chhupti nahin padti hain nigahein sab kiUs ke daman ki taraf mere gareban ki taraf
Saikadon dagh-e-gunah dho gaye rahmat se teriKya ghata jhoom ke aayi thi gulistan ki taraf
Chashm-e-aaina pareshan nazri seekh gayiDekhta tha ye bahut zulf-e-pareshan ki taraf
Sar jhukaye hue hai Nazm basan-e-khamaSamt-e-sajde ki hai teri khat-e-farman ki taraf