عادت سے ان کی دل کو خوشی بھی ہے غم بھی ہےیہ لطف ہے ستم بھی ہے عذر ستم بھی ہے
الفت مجھے جتاتے ہو دل میں بھی درد ہےرونے کا منہ بناتے ہو آنکھوں میں نم بھی ہے
اس بت کا وصل تھا تو خدائی کا عیش تھایہ جانتے نہ تھے کہ زمانے میں غم بھی ہے
تسکین میرے دل کی اور اس بے وفا کا قولدل میں فریب بھی ہے لبوں پر قسم بھی ہے
اب آؤ مل کے سو رہیں تکرار ہو چکیآنکھوں میں نیند بھی ہے بہت رات کم بھی ہے
نومیدی بھی ہے وصل سے اس کے امید بھیکچھ درد دل بڑھا بھی ہے کچھ رنج کم بھی ہے
یہ بات گر نہ ہو تو کرے کون حوصلہملنا کسی کا سہل بھی ہے اور الم بھی ہے
جاتا ہے شک بھی کر گیا ہے وہم میں وہ شوخکوچے میں غیر ہی کے نشان قدم بھی ہے
باہم تپاک بھی ہیں کبھی رنجشیں بھی ہیںلطف و کرم بھی ہے کبھی جور و ستم بھی ہے
آ جائیں وہ مگر مجھے آتا نہیں یقیںقاصد کا جو ہے قول وہ خط میں رقم بھی ہے
بگڑے ہوئے ہیں آج خدا خیر ہی کرےکچھ بل بھی ہے جبیں پہ کچھ ابرو پہ خم بھی ہے
مر جاتے ہم تو کب کے اجل دیکھتی ہے توفرصت کسی کے غم سے ہمیں کوئی دم بھی ہے
کہنے کو دو مکاں ہیں کیں تو ہے ایک ہیبیت الصنم ہے جو وہی بیت الحرم بھی ہے
یوں کہہ کے بھول جانا یہ خو آپ ہی کی ہےمجھ کو وہ یاد عہد بھی ہے وہ قسم بھی ہے
جب کچھ کہوں تو کہتے ہیں یہ پھر سنوں گا میںپھر ایسا کوئی وقت بھی ہے کوئی دم بھی ہے
کیسا وصال و ہجر اگر فہم ہے نظامؔہر حال میں جدا بھی ہے وہ اور بہم بھی ہے
— نظام رامپوری
Adat se un ki dil ko khushi bhi hai gham bhi haiYeh lutf hai sitam bhi hai uzr-e-sitam bhi hai
Ulfat mujhe jatate ho dil mein bhi dard haiRone ka mun banate ho aankhon mein nam bhi hai
Is but ka wasl tha to khudai ka aish thaYeh jaante na the ke zamane mein gham bhi hai
Taskin mere dil ki aur is be-wafa ka qaulDil mein fareb bhi hai labon par qasam bhi hai
Ab aao mil ke so rahen takrar ho chukiAankhon mein neend bhi hai bahut raat kam bhi hai
Naumidi bhi hai wasl se is ke umeed bhiKuch dard-e-dil barha bhi hai kuch ranj kam bhi hai
Yeh baat gar na ho to kare kaun hauslaMilna kisi ka sahl bhi hai aur alam bhi hai
Jata hai shak bhi kar gaya hai wahm mein woh shokhKuche mein ghair hi ke nishan-e-qadam bhi hai
Baham tapak bhi hain kabhi ranjishen bhi hainLutf-o-karam bhi hai kabhi jor-o-sitam bhi hai
Aa jayen woh magar mujhe aata nahin yaqeenQasid ka jo hai qaul woh khat mein raqam bhi hai
Bigde hue hain aaj khuda khair hi kareKuch bal bhi hai jabeen pe kuch abro pe kham bhi hai
Mar jate hum to kab ke ajal dekhti hai tuFursat kisi ke gham se hamein koi dam bhi hai
Kehne ko do makan hain kin to hai ek hiBait-us-sanam hai jo wohi bait-ul-haram bhi hai
Yun keh ke bhool jana yeh khu aap hi ki haiMujh ko woh yaad-e-ahd bhi hai woh qasam bhi hai
Jab kuch kahun to kehte hain yeh phir sununga mainPhir aisa koi waqt bhi hai koi dam bhi hai
Kaisa wisal-o-hijr agar fahm hai NizamHar haal mein juda bhi hai woh aur baham bhi hai
فرہنگ
تشریح
اس غزل میں عاشق اور محبوب کے تعلق کی کشمکش بیان کی گئی ہے۔ محبوب کی عادت سے دل کبھی خوش ہوتا ہے اور کبھی غمگین، اور اس کا ستم بھی لطف دیتا ہے۔ شاعر محبوب کی بے وفائی، وعدوں اور رنجش و محبت کے بدلتے رنگوں کو سادہ اور دلکش انداز میں پیش کرتا ہے۔
شاعر کا لہجہ شکایت آمیز مگر نرم ہے، جو محبوب کی ادائوں پر گلہ بھی کرتا ہے اور اس سے لطف بھی اٹھاتا ہے۔ آخری شعر میں وصل و ہجر کی یکجائی کا تصور پیش کیا گیا ہے کہ محبوب ہر حال میں جدا بھی ہے اور قریب بھی۔