وہ ایسے بگڑے ہوئے ہیں کئی مہینے سےکہ جاں پہ بن گئی تنگ آ گیا میں جینے سے
ہوئے نمود جو پستاں تو شرم کھا کے کہایہ کیا بلا ہے جو اٹھتی ہے میرے سینے سے
وہ دور کھنچ کے شب وصل اس کا یہ کہناکوئی ادھر ہی کو بیٹھا رہے قرینے سے
جو بوسہ دیتے ہیں تو لب بچاتے ہیں لب سےلپٹتے بھی ہیں تو سینہ چرا کے سینے سے
وہ ساتھ سونا کسی کا وہ گرم جوشی ہائےنمی وہ جسم کی چولی وہ تر پسینے سے
خوشی یہی ہے کہ اک دن تو غم سے چھوٹیں گےنہ موت آئے تو کیا حاصل ایسے جینے سے
وہ نیچی نیچی نگاہوں سے دیکھنا مجھ کووہ پیار تکیے کو کرنا لگا کے سینے سے
یہی وہ راہ ہے جو دل سے دل کو ہوتی ہےحصول کون سا چاک جگر کے سینے سے
میں اور کچھ نہیں کہتا مگر یہ سن رکھئےعدو کا دل ہے لبالب حسد سے کینے سے
خدا کی شان ہے یہ بات اور منہ ان کانظامؔ پھر کروں توبہ شراب پینے سے
— نظام رامپوری
Woh aise bigre hue hain kai mahine seKe jaan pe ban gayi tang aa gaya main jeene se
Huye numood jo postaan to sharm kha ke kahaYeh kya bala hai jo uthti hai mere seene se
Woh door khinch ke shab-e-wasl us ka yeh kehnaKoi idhar hi ko baitha rahe qareene se
Jo bosa dete hain to lab bachate hain lab seLipatte bhi hain to seena chura ke seene se
Woh saath sona kisi ka woh garm joshi hayeNami woh jism ki choli woh tar pasine se
Khushi yahi hai ke ik din to gham se chhuteen geNa maut aaye to kya hasil aise jeene se
Woh neechi neechi nigahon se dekhna mujh koWoh pyar takiye ko karna laga ke seene se
Yahi woh raah hai jo dil se dil ko hoti haiHusool kaun sa chaak-e-jigar ke seene se
Main aur kuch nahin kehta magar yeh sun rakhiyeAdu ka dil hai lablab hasad se kine se
Khuda ki shaan hai yeh baat aur munh un kaNizam phir karun tauba sharab peene se
فرہنگ
تشریح
اس غزل میں عاشق اپنے محبوب کی بے رخی، ناز و ادا اور شوخ معاملات کو طنز و شوخی کے لہجے میں بیان کرتا ہے۔ محبوب کئی مہینوں سے روٹھا ہوا ہے اور عاشق اس دوری سے تنگ ہے۔ شعر "وہ جو بوسہ دیتے ہیں تو لب بچاتے ہیں لب سے" میں محبوب کی شرم و ناز کی ادا کو خوبصورتی سے پیش کیا گیا ہے۔ آخری شعر میں شاعر اپنے ہی اقرار پر مزاحیہ انداز میں توبہ کا ذکر کرتا ہے۔