غزل 9 اشعار

اور اب کیا کہیں کہ کیا ہیں ہم

Aur ab kya kahen ke kya hain hum

اور اب کیا کہیں کہ کیا ہیں ہمآپ ہی اپنے مدعا ہیں ہم

اپنے عاشق ہیں اپنے وارفتہآپ ہی اپنے دل ربا ہیں ہم

آپ ہی خانہ آپ خانہ خداآپ ہی اپنی مرحبا ہیں ہم

عشق جو دل میں درد ہو کے رہاخود اسی درد کی دوا ہیں ہم

راز دل کی طرح زمانے میںتھے چھپے آج برملا ہیں ہم

کیوں نہ ہو عرش پر دماغ اپناکس کے کوچے کی خاک پا ہیں ہم

ہر کوئی آشنا سمجھتا ہےاور یاں کس کے آشنا ہیں ہم

ابتدا کی بھی ابتدا ہیں ہمانتہا کی بھی انتہا ہیں ہم

ہم تو بندے نظامؔ ان کے ہیںوہ بجا کہتے ہیں خدا ہیں ہم

— نظام رامپوری

فرہنگ

وارفتہ — فریفتہ، دیوانہ، محبت میں گم
دل ربا — دل کو لبھانے والا، محبوب
خاک پا — قدموں کی خاک، عاجزی کا اظہار

تشریح

اس غزل میں شاعر اپنی ذات کی حقیقت پر غور کرتا ہے اور کہتا ہے کہ اپنے آپ کو کیا بیان کریں، ہم خود ہی اپنا مقصد اور اپنے ہی عاشق و محبوب ہیں۔ کلام میں وحدت الوجود کا رنگ نمایاں ہے، جہاں عاشق و معشوق کا فرق مٹ جاتا ہے۔ شاعر کا لہجہ حیرت، فخر اور سرشاری کا ہے۔ آخری شعر میں وہ کہتا ہے کہ ہم تو ان کے بندے ہیں، مگر وہ بجا طور پر ہمیں خدا کہتے ہیں، جس میں عاجزی اور دعوے کا لطیف امتزاج ہے۔