حال دل تم سے مری جاں نہ کہا کون سے دنمیرے کہنے کو بھلا تم نے سنا کون سے دن
لذتیں وصل کی کچھ میں نے بیاں کیں تو کہاآپ کے واسطے دن ایسا ہوا کون سے دن
جب کہا میں نے وہ کیا دن تھے جو ملتے تھے تمہو کے انجان عجب ڈھب سے کہا کون سے دن
وصل کی شب ہے ملو آج تو دل کھول کے خوباے مری جان یہ جائے گی حیا کون سے دن
رشک آمیز جو کچھ میں نے کہا تو بولےغیر کے ساتھ مجھے دیکھ لیا کون سے دن
ہر گھڑی دل میں رہا خوف بگڑ جانے کاتیرے ملنے میں مزا ہم کو ملا کون سے دن
کون سا دن ہے جو بے چین نہیں ہو کے نظامؔبے قراری سے نہ اس در پہ گیا کون سے دن
— نظام رامپوری
Haal-e-dil tum se meri jaan na kaha kaun se dinMere kehne ko bhala tum ne suna kaun se din
Lazzatein wasl ki kuch main ne bayan keen to kahaAap ke waaste din aisa hua kaun se din
Jab kaha main ne woh kya din the jo milte the tumHo ke anjaan ajab dhab se kaha kaun se din
Wasl ki shab hai milo aaj to dil khol ke khoobAe meri jaan yeh jaaye gi haya kaun se din
Rashk-aameez jo kuch main ne kaha to boleGhair ke saath mujhe dekh liya kaun se din
Har ghari dil mein raha khauf bigar jaane kaTere milne mein maza hum ko mila kaun se din
Kaun sa din hai jo be-chain nahin ho ke NizamBe-qarari se na us dar pe gaya kaun se din
فرہنگ
تشریح
اس غزل میں عاشق اپنے محبوب سے شکوہ کرتا ہے کہ اس نے کبھی اس کا حال دل سننے کی زحمت نہیں کی۔ شاعر کا لہجہ شکایتی اور حسرت بھرا ہے، جس میں محبوب کی بے اعتنائی اور وصل کے لمحات کی کمی کا دکھ جھلکتا ہے۔ ایک نمایاں شعر میں عاشق کہتا ہے کہ اس کے رشک آمیز الفاظ پر محبوب نے الٹا سوال کیا کہ اسے کب غیر کے ساتھ دیکھا گیا، جس سے محبوب کی بے رخی واضح ہوتی ہے۔ آخری شعر میں عاشق اعتراف کرتا ہے کہ ایسا کوئی دن نہیں جب وہ بے قرار ہو کر اس کے در پر نہ گیا ہو۔