کہیے گر ربط مدعی سے ہےکہتے ہیں دوستی تجھی سے ہے
دیکھیے آگے آگے کیا کچھ ہودل کی حرکت یہ کچھ ابھی سے ہے
اس کی الفت میں جیتے جی مرنافائدہ یہ بھی زندگی سے ہے
ضد ہے گر ہے تو ہو سبھی کے ساتھیا نہ ملنے کی ضد مجھی سے ہے
خوف سے تم سے کہہ نہیں سکتےدل میں اک آرزو کبھی سے ہے
مجھ سے پوچھو ہو کس سے الفت ہےتم سمجھتے نہیں کسی سے ہے
رنجش غیر سے نہیں مطلبکام ہم کو تری خوشی سے ہے
اس قدر آپ ہم پہ ظلم کریںاس کا انصاف آپ ہی سے ہے
رشک دشمن نہ سہہ سکے گا نظامؔیہ بھی ناچار اپنے جی سے ہے
— نظام رامپوری
Kahiye gar rabt-e-mudai se haiKehte hain dosti tujhi se hai
Dekhiye aage aage kya kuch hoDil ki harkat yeh kuch abhi se hai
Us ki ulfat mein jete ji marnaFaida yeh bhi zindagi se hai
Zidd hai gar hai to ho sabhi ke sathYa na milne ki zidd mujhi se hai
Khauf se tum se keh nahin sakteDil mein ik arzu kabhi se hai
Mujh se poochho ho kis se ulfat haiTum samajhte nahin kisi se hai
Ranjish ghair se nahin matlabKaam hum ko teri khushi se hai
Us qadar aap hum pe zulm karenUs ka insaf aap hi se hai
Rashk-e-dushman na seh sake ga NizamYeh bhi nachar apne ji se hai
فرہنگ
تشریح
اس غزل میں عاشق اپنے محبوب سے گلے اور شکوے کا اظہار کرتا ہے۔ وہ محبوب کی بے رخی، غیروں سے ملنے کی ضد اور اپنی بے بسی کو نرم اور شائستہ لہجے میں بیان کرتا ہے۔ ایک نمایاں شعر میں شاعر کہتا ہے کہ محبوب سے ملنے کی ضد اسی سے ہے، یعنی اس کی بے رخی ہی اصل وجہ ہے۔ آخری شعر میں شاعر اعتراف کرتا ہے کہ رقیب کا رشک اس کی برداشت سے باہر ہے اور یہ بے بسی اس کی اپنی جان سے ہے۔