ہو کے بس انسان حیراں سر پکڑ کر بیٹھ جائےکیا بن آئے اس گھڑی جب وہ بگڑ کر بیٹھ جائے
تو وہ آفت ہے کوئی تجھ سے اٹھا سکتا ہے دلدیکھ لے کوئی جو تجھ کو دل پکڑ کر بیٹھ جائے
وصل میں بھی اس سے کہہ سکتا نہیں کچھ خوف سےدور کھچ کر پاس سے میرے نہ مڑ کر بیٹھ جائے
دوستو میری نہیں تقصیر دل دینے میں کچھدل وہ لے کر ہی اٹھے جب پاس اڑ کر بیٹھ جائے
اس خوشامد سے مرا کچھ مدعا ہی اور ہےچاہتے ہو تم یہ میرے پاؤں پڑ کر بیٹھ جائے
اس کا بل کھا کر وہ اٹھنا پاس سے میرے غضباور اک آفت ہے جو وہ کھچ کر اکڑ کر بیٹھ جائے
مفت لے لیتے ہیں دل عاشق سے اپنے وہ نظامؔلاکھ پھر مانگے کوئی تھک کر جھگڑ کر بیٹھ جائے
— نظام رامپوری
Ho ke bas insaan hairaan sar pakar kar baith jayeKya ban aaye is ghari jab woh bigar kar baith jaye
To woh aafat hai koi tujh se utha sakta hai dilDekh le koi jo tujh ko dil pakar kar baith jaye
Wasl mein bhi is se keh sakta nahin kuch khauf seDoor khich kar paas se mere na mar kar baith jaye
Dosto meri nahin taqseer dil dene mein kuchDil woh le kar hi uthe jab paas ur kar baith jaye
Is khushamad se mera kuch mudda hi aur haiChahte ho tum yeh mere paon par kar baith jaye
Is ka bal kha kar woh uthna paas se mere ghazabAur ik aafat hai jo woh khich kar akar kar baith jaye
Muft le lete hain dil aashiq se apne woh NizamLakh phir maange koi thak kar jhagar kar baith jaye
فرہنگ
تشریح
اس غزل میں عاشق اپنے محبوب کی بے نیازی، ناز اور ستم گری کا ذکر کرتا ہے۔ محبوب کے غصے اور اکڑ کو دیکھ کر شاعر حیرت میں پڑ جاتا ہے اور اس کی ادائیں اسے بے بس کر دیتی ہیں۔
محبوب کا دل لے لینا اور پھر بھی نخرے دکھانا شاعر کا مرکزی موضوع ہے۔ شاعر دوستوں کے سامنے صفائی دیتا ہے کہ دل دینے میں اس کی کوئی غلطی نہیں۔
آخری شعر میں شاعر کا لہجہ شکایتی مگر شوخ ہے، جس میں کہا گیا ہے کہ محبوب مفت میں دل لے لیتا ہے اور لاکھ منانے پر بھی نہیں مانتا۔