غزل 8 اشعار

کسی نے پکڑا دامن اور کسی نے آستیں پکڑی

Kisi ne pakra daaman aur kisi ne aasteen pakri

کسی نے پکڑا دامن اور کسی نے آستیں پکڑینہ اٹھا میں ہی اس کوچے سے یہ میں نے زمیں پکڑی

خدا شاہد ہے دل پر چوٹ سی اک لگ گئی میرےبہانا درد سر کا کر کے جب اس نے جبیں پکڑی

سوا ان کے نہ کہنا اور سے آفت نہ کچھ آئےنہ جانے بات میری قاصدا شاید کہیں پکڑی

بھلا اب مجھ سے چھٹتا ہے کہیں اس شوخ کا چسکایہ کیا ہے چھیڑ میری ہر گھڑی کی ہم نشیں پکڑی

غضب ہیں آپ بھی میں نے تو تم سے کان پکڑا ہےہوا جب کچھ میں کہنے کو زباں میری وہیں پکڑی

یہ قسمت وصل کی شب صبح تک تکرار میں گزریادھر کچھ میں نے ضد پکڑی ادھر اس نے ''نہیں'' پکڑی

مجھے ڈسواؤ اک مار سیہ سے یہ سزا دیجےجفا کی اپنے صاحب کی جو زلف عنبریں پکڑی

خدا کے فضل سے ایسی طبیعت ہے نظامؔ اپنیغزل دم میں کہی فضل خدا سے جو زمیں پکڑی

— نظام رامپوری

فرہنگ

آستیں — آستین، قمیص کی بازو کا حصہ
کوچے — گلی، محلہ
زلف عنبریں — خوشبودار زلف، معطر بالوں کی لٹ

تشریح

اس غزل میں عاشق اور معشوق کے درمیان ناز و ادا، روٹھنے منانے اور چھیڑ چھاڑ کا بیان ہے۔ شاعر کا لہجہ شوخ اور کسی قدر شکایتی ہے، جیسے وہ محبوب کی بے رخی اور اس کی شوخ حرکتوں کا ذکر مزے لے کر کرتا ہے۔ مقطع میں شاعر اپنے کلام کی روانی پر فخر کرتا ہے کہ غزل فوراً زمین کے مطابق کہہ دی گئی۔ ایک شعر میں محبوب کا سر درد کا بہانہ کر کے ماتھا پکڑنا اور عاشق کے دل پر چوٹ لگنا بیان ہوا ہے۔

یہ تشریح متن کے ظاہری مضمون پر مبنی ہے۔

کس نے پڑھا

یہ کلام محفلوں میں