جب تو میں ہوں آہ میں ایسا اثر پیدا کروںاے ستم گر تیرے دل میں اپنا گھر پیدا کروں
یاں تو یہ عادت ہے کس کس کا کرے گا تو علاجروز بیماری سے میں دو چار اگر پیدا کروں
یہ تغافل وصل کی شب پوچھتے ہیں میرا حالاب دعائیں مانگ کر درد جگر پیدا کروں
آنکھ اٹھا کر جس طرف دیکھوں وہی آئے نظرآنکھ وہ پیدا کروں اور وہ نظر پیدا کروں
فکر سے ایذاؤں کی الٹی سنا جائے ہیں غیرایسا دل پیدا کروں اور وہ جگر پیدا کروں
جو تمہیں منظور ہے وہ کہہ نہ دو کیوں چپ رہوپھر خطا میری کوئی حجت اگر پیدا کروں
تیری فرقت میں گوارا کر سکوں گا کس طرحکس کا دل لاؤں کہاں سے یہ جگر پیدا کروں
ہائے دل رنجش کا صدمہ ایک دم اٹھتا نہیںخود منائیں وہ میں اتنی بات گر پیدا کروں
کچھ رکا دیکھا جو مجھ کو تو سنا کر یہ کہایہ تو اچھی ٹھہری اب لوگوں کا ڈر پیدا کروں
میں ہی ہوں مجھ سا اگر ڈھونڈو جہاں میں مبتلاتو ہی ہو تجھ سا حسیں دنیا میں گر پیدا کروں
اچھا اچھا در کو کر لو بند مجھ کو دیکھ کرسر کو ٹکراؤں ابھی دیوار و در پیدا کروں
سب کچھ آتا ہے مگر یاں عقل حیراں ہے مریتیرے دل میں راہ کیوں کر فتنہ گر پیدا کروں
اب تری جھوٹی لگاوٹ میں نہ آؤں گا کبھیمفت ایذا پاؤں ناحق درد سر پیدا کروں
کہتے ہیں کیا تجھ پہ گزری تھی مرے جانے کے بعدکیا بتاؤں کیسے وہ وقت سحر پیدا کروں
کیوں نظامؔ اس وقت تو تم مان جاؤ گے مجھےدوستی اس دشمن جاں سے اگر پیدا کروں
— نظام رامپوری
Jab tu main hon aah main aisa asar paida karunAy sitam-gar tere dil main apna ghar paida karun
Yan to yeh adat hai kis kis ka karay ga tu ilajroz bimari se main do chaar agar paida karun
Yeh taghaful wasl ki shab poochhte hain mera haalab duaen mang kar dard-e-jigar paida karun
Aankh utha kar jis taraf dekhun wohi aaye nazarAankh woh paida karun aur woh nazar paida karun
Fikr se aziyaton ki ulti suna jaye hain ghairaisa dil paida karun aur woh jigar paida karun
Jo tumhein manzoor hai woh keh na do kyun chup rahophir khata meri koi hujjat agar paida karun
Teri furqat main gawara kar sakun ga kis tarahkis ka dil laon kahan se yeh jigar paida karun
Haye dil ranjish ka sadma aik dam uthta nahinkhud manayen woh main itni baat gar paida karun
Kuch ruka dekha jo mujh ko to suna kar yeh kahayeh to achi thehri ab logon ka dar paida karun
Main hi hon mujh sa agar dhoondho jahan main mubtalatu hi ho tujh sa haseen duniya main gar paida karun
Achha achha dar ko kar lo band mujh ko dekh karsar ko takraun abhi deewar-o-dar paida karun
Sab kuch aata hai magar yan aql hairan hai meriTere dil main raah kyun kar fitna-gar paida karun
Ab teri jhoothi lagawat main na aoun ga kabhimuft eeza paun nahaq dard-e-sar paida karun
Kehte hain kya tujh pe guzri thi mere jaane ke baadkya bataun kaise woh waqt-e-sahar paida karun
Kyun Nizam is waqt to tum maan jao ge mujheDosti is dushman-e-jaan se agar paida karun
فرہنگ
تشریح
اس غزل میں عاشق اپنے محبوب کی بے رخی، تغافل اور ستم گری کا شکوہ کرتا ہے۔ شاعر کا لہجہ طنزیہ اور شکایتی ہے، اور وہ محبوب کے ظلم کو اپنی آہ اور درد کے اثر سے جوڑتا ہے۔ ایک نمایاں شعر میں وہ کہتا ہے کہ ہائے دل میں رنجش کا صدمہ ایک دم بھی نہیں اٹھتا، اور اگر وہ خود منائے تو یہ بات بھی ممکن ہو جائے۔ غزل میں محبوب کی جھوٹی لگاوٹ سے بچنے کا عزم بھی ظاہر ہوتا ہے۔