کہتے ہیں سن کے ماجرا میراتم سے کس روز ربط تھا میرا
نامہ بر اس نے تو کہا سب کچھتو نے بھی حال کچھ کہا میرا
اب تو خواہاں وصال کا بھی نہیںکچھ عجب ہے معاملہ میرا
اور کس کو سناتے ہو مجھ کواور کس کا یہ ذکر تھا میرا
یہ بھی کیا بات آئی اس دن کییہ بھی کہیے قصور تھا میرا
مجھ سے پھر پوچھنے سے کیا حاصلگر سمجھتے ہو مدعا میرا
کچھ کسی بات کا خیال بھی ہےغیر کے سامنے گلا میرا
دیکھ کر اس کا پھیرا لینا منہاور حسرت سے دیکھنا میرا
کچھ تو باعث ہے میرے آنے کاکچھ تو تم سے ہے واسطا میرا
بے وفا کہتے ہیں سبھی تم کوکہیے اس میں قصور کیا میرا
ایسی باتیں تو غیر کی ہوں گیآپ نے نام لے لیا میرا
حال سن کے مرا نہ یہ تو کہہایک ہی حال ہے ترا میرا
بے قراری سے شب کٹی ہوگیایسا کس دن خیال تھا میرا
کس نے بے تاب کر دیا مجھ کوکون آرام لے گیا میرا
دم مرگ آ کے پوچھتے ہیں نظامؔاب تو بخشا کہا سنا میرا
— نظام رامپوری
Kehte hain sun ke maajra meraTum se kis roz rabt tha mera
Naama-bar us ne to kaha sab kuchTu ne bhi haal kuch kaha mera
Ab to khawaahaan-e-visaal ka bhi nahinKuch ajab hai mu'amla mera
Aur kis ko sunaate ho mujh koAur kis ka yeh zikr tha mera
Yeh bhi kya baat aayi us din kiYeh bhi kahiye qusoor tha mera
Mujh se phir poochhne se kya haasilGar samajhte ho mudda'a mera
Kuch kisi baat ka khayaal bhi haiGhair ke saamne gila mera
Dekh kar us ka phera lena munhAur hasrat se dekhna mera
Kuch to baa'ith hai mere aane kaKuch to tum se hai waasta mera
Be-wafa kehte hain sabhi tum koKahiye is mein qusoor kya mera
Aisi baatein to ghair ki hon giAap ne naam le liya mera
Haal sun ke mera na yeh to kahaEk hi haal hai tera mera
Be-qaraari se shab kati hogiAisa kis din khayaal tha mera
Kis ne be-taab kar diya mujh koKaun aaraam le gaya mera
Dam-e-marg aa ke poochhte hain NizaamAb to bakhsha kaha suna mera
فرہنگ
تشریح
اس غزل میں عاشق اپنے محبوب سے شکوہ اور گلہ کرتا ہے کہ اس نے اس کا حال سن کر بھی بے رخی برتی ہے۔ شاعر کا لہجہ شکایتی اور طنزیہ ہے، جس میں محبوب کی بے وفائی اور بے نیازی کا بیان ہے۔ ایک شعر میں وہ کہتا ہے کہ غیر کے سامنے میرا گلا کرنا کس بات کا خیال ہے، یعنی محبوب نے دوسروں کے سامنے عاشق کا مذاق اڑایا۔ آخری شعر میں موت کے وقت پوچھنے پر عاشق کہتا ہے کہ اب تو میری باتوں کو معاف کر دو۔