مزا کیا جو یوں ہی سحر ہو گئینہیں بھی پہر دو پہر ہو گئی
ترے غم میں شب یوں بسر ہو گئیغرض روتے روتے سحر ہو گئی
نہ آئینہ ہر وقت دیکھا کروکہوگے کسی کی نظر ہو گئی
جو باندھی کمر قتل عشاق پرکمر تو نہ تھی پر کمر ہو گئی
سبب ان کی رنجش کا کہنا نہیںکوئی پوچھے کس بات پر ہو گئی
لبوں پر ٹھہرنے سے اے جاں! حصولادھر آ گئی یا ادھر ہو گئی
کوئی بات الفت کی اب تو نہیںجو کچھ ہو گئی پیشتر ہو گئی
ترا وعدہ گو جھوٹ ہی کیوں نہ ہوتسلی ہماری مگر ہو گئی
تغافل ہے ہر بات پر کس لیےمرے دل کی تجھ کو خبر ہو گئی
قیامت کے آثار بھی ہو گئےشب غم دراز اس قدر ہو گئی
منانا رلانا ہی باہم رہاشب وصل یوں ہی سحر ہو گئی
نہیں کیا کرو گے نہ ہم کو سناؤشکایت عدو کی مگر ہو گئی
خدا ہے جو اس بت سے پھر ہو ملاپغرض آج تو اس قدر ہو گئی
کہا بھی تو اس نے کچھ ایسا نہیںذرا بات میں چشم تر ہو گئی
نہ مانا نہ مانا اسی شوخ نےکہ دنیا ادھر کی ادھر ہو گئی
تمہیں ضد نہ ملنے کی ہے کس لیےمری آہ کیا بے اثر ہو گئی
وہ وعدے سے کیوں پھر گئے کہہ تو کچھیہ کیا بات اے نامہ بر ہو گئی
یہ قسمت ہوا وصل بھی گر نصیبتو رنجش بھی ہر بات پر ہو گئی
وہ آئے بھی یاں اس سے اے دل حصولکوئی دم کو تسکیں اگر ہو گئی
ترے غم میں یہ حال تو ہو گیاخوشی اب تری فتنہ گر ہو گئی
یہ جھوٹی محبت سے ان کی حصولشکایت عدو کی اگر ہو گئی
انہیں صلح منظور ہے مجھ سے کبکہوں کیا ہوئی کیونکہ پر ہو گئی
نظام اس گھڑی کا کہوں حال کیاجب اس نے کہا وہ سحر ہو گئی
— نظام رامپوری
Mazaa kya jo yun hi sahar ho gayiNahin bhi pehar do pehar ho gayi
Tere gham mein shab yun basar ho gayiGharaz rote rote sahar ho gayi
Na aaina har waqt dekha karoKahoge kisi ki nazar ho gayi
Jo baandhi kamar qatl-e-ushaq parKamar to na thi par kamar ho gayi
Sabab in ki ranjish ka kehna nahinKoi poochhe kis baat par ho gayi
Labon par thehrne se ae jaan! husoolUdhar aa gayi ya udhar ho gayi
Koi baat ulfat ki ab to nahinJo kuch ho gayi peshtar ho gayi
Tera wada go jhoot hi kyun na hoTasalli hamari magar ho gayi
Taghaful hai har baat par kis liyeMere dil ki tujh ko khabar ho gayi
Qiyamat ke aasaar bhi ho gayeShab-e-gham daraaz is qadar ho gayi
Manaana rulaana hi baham rahaShab-e-wasl yun hi sahar ho gayi
Nahin kya karoge na hum ko sunaoShikayat adu ki magar ho gayi
Khuda hai jo is but se phir ho milaapGharaz aaj to is qadar ho gayi
Kaha bhi to us ne kuch aisa nahinZara baat mein chashm-e-tar ho gayi
Na maana na maana usi shokh neKe duniya udhar ki udhar ho gayi
Tumhein zid na milne ki hai kis liyeMeri aah kya be-asar ho gayi
Woh wade se kyun phir gaye keh to kuchYeh kya baat ae naama-bar ho gayi
Yeh qismat hua wasl bhi gar naseebTo ranjish bhi har baat par ho gayi
Woh aaye bhi yaan us se ae dil husoolKoi dam ko taskeen agar ho gayi
Tere gham mein yeh haal to ho gayaKhushi ab teri fitna-gar ho gayi
Yeh jhoothi mohabbat se in ki husoolShikayat adu ki agar ho gayi
Unhein sulh manzoor hai mujh se kabKahoon kya hui kyunke par ho gayi
Nizaam is ghadi ka kahoon haal kyaJab is ne kaha woh sahar ho gayi
فرہنگ
تشریح
اس غزل میں شاعر ہجر و وصال کی کیفیات کو ہلکے پھلکے اور شوخ لہجے میں بیان کرتا ہے۔ کہیں محبوب کی بے رخی و تغافل کا شکوہ ہے، کہیں رات کے طویل ہونے کا ذکر ہے اور کہیں وصل کی رات کا جلد گزر جانا بیان ہوا ہے۔ مقطع میں شاعر اپنے تخلص کے ساتھ اسی گھڑی کا حال بیان کرنے کی بات کرتا ہے جب محبوب نے صبح ہونے کی بات کہی۔ شاعر کا لہجہ شکایتی مگر دلچسپ ہے، اور وہ روایتی غم اور شوخی کو ایک ساتھ پیش کرتا ہے۔