محفل میں آتے جاتے ہیں انساں نئے نئےاب تو چلن لیے ہیں مری جاں نئے نئے
اس زلف و رخ کے عشق کا چرچا ہوا یہ کچھحیراں نئے نئے ہیں پریشاں نئے نئے
آ آ کے اپنی اپنی سناتا ہے ہر کوئیزخم جگر پہ ہیں نمک افشاں نئے نئے
مجھ کو سنا کے کہتے ہیں لوگوں کو اس سے کیاانداز ہم نے سیکھے ہیں ہاں ہاں نئے نئے
آ جائیں ہم بھی یاد کسی بات پر کبھیعاشق ہوئے ہیں اب تو مری جاں نئے نئے
ہر دم نئی نئی ہے خلش میری جان کولاتی ہے رنج و غم شب ہجراں نئے نئے
باتوں پر ان کی کیوں نہ یقین آئے پھر مجھےقسمیں نئی نئی ہیں تو پیماں نئے نئے
گر اب کے وصل ہو تو نہ مانوں میں ایک بھیدل کے نکالوں حسرت و ارماں نئے نئے
سو سو طرح ستاتی ہے اک اک کی یاد ابشب آپ نے کیے تھے جو احساں نئے نئے
کس کس کی روز روز خوشامد کیا کریںہوتے ہیں ان کے در پہ تو درباں نئے نئے
امید بھی کبھی کبھی نومیدی ہے مجھےدکھلاتی رنگ ہے شب ہجراں نئے نئے
کوئی تو آج آئے گا پھر کس لیے نظامؔتجویزیں ہیں نئی نئی ساماں نئے نئے
— نظام رامپوری
Mehfil mein aate jaate hain insaan naye nayeAb to chalan liye hain meri jaan naye naye
Is zulf-o-rukh ke ishq ka charcha hua yeh kuchHairaan naye naye hain pareshaan naye naye
Aa aa ke apni apni sunata hai har koiZakhm-e-jigar pe hain namak-afshan naye naye
Mujh ko suna ke kehte hain logon ko is se kyaAndaz hum ne seekhe hain haan haan naye naye
Aa jaayen hum bhi yaad kisi baat par kabhiAashiq hue hain ab to meri jaan naye naye
Har dam nayi nayi hai khalish meri jaan koLaati hai ranj-o-gham shab-e-hijran naye naye
Baaton par un ki kyun na yaqeen aaye phir mujheQasmein nayi nayi hain to paiman naye naye
Gar ab ke wasl ho to na maanun main ek bhiDil ke nikaalun hasrat-o-armaan naye naye
Sau sau tarah sataati hai ik ik ki yaad abShab aap ne kiye the jo ehsaan naye naye
Kis kis ki roz roz khushamad kiya kareinHote hain un ke dar pe to darbaan naye naye
Umeed bhi kabhi kabhi naumeedi hai mujheDikhlaati rang hai shab-e-hijran naye naye
Koi to aaj aayega phir kis liye NizamTajweezein hain nayi nayi saamaan naye naye
فرہنگ
تشریح
اس غزل میں عاشق اپنے محبوب کے عشق، اس کی بے رخی اور ہجر کی کیفیات کو نئے نئے انداز میں بیان کرتا ہے۔ محفل میں آنے جانے والے نئے لوگوں اور ان کے نئے چلن کا ذکر کرتے ہوئے شاعر خود اپنی محبت کی کیفیت کو بیان کرتا ہے۔
شاعر کا لہجہ شکایت اور حسرت آمیز ہے۔ وہ کہتا ہے کہ لوگ اپنی اپنی داستان سناتے ہیں مگر اس کے زخمِ جگر پر نمک چھڑکا جاتا ہے، اور ہجر کی رات ہر بار نئے رنج و غم لاتی ہے۔ آخری شعر میں امید اور نومیدی کی کشمکش نمایاں ہے، جہاں شاعر کو کسی کی آمد کا انتظار تو ہے مگر دل میں یقین کم ہے۔