واں تو ملنے کا ارادہ ہی نہیںیاں وہ خواہش ہے کہ ہوتا ہی نہیں
یوں ستانے کے تو لائق تھے نہ ہمآپ نے کچھ ہمیں سمجھا ہی نہیں
جس سے تسکیں ہو مری اے قاصدایسی تو بات تو کہتا ہی نہیں
اور بھی ایسی تو باتیں ہیں بہتگلۂ رنجش بے جا ہی نہیں
لے گئیں نیچی نگاہیں دل کوآنکھ اٹھا کر ابھی دیکھا ہی نہیں
رشک دشمن سے نصیحت ہوئی آپدل وہاں جانے کو ہوتا ہی نہیں
اور جو ظلم ہو منظور مجھےغیر سے ربط گوارا ہی نہیں
یاں تو یہ منتظر وعدہ ہماور واں یاد وہ وعدا ہی نہیں
ربط دشمن سے ہے انکار عبثہمیں اس بات کا شکوا ہی نہیں
ہم خدا سے بھی نہیں مانگتے کچھیاں کوئی اپنی تمنا ہی نہیں
نہ سہی کوئی برائی نہ سہیتم سے ملنا مجھے اچھا ہی نہیں
اس کی ہر بات کو سچ سمجھے نظامؔاس سا عیار تو پیدا ہی نہیں
— نظام رامپوری
Waan to milne ka iraada hi nahinYaan woh khwaahish hai ke hota hi nahin
Yoon sataane ke to laaiq the na humAap ne kuch hamein samjha hi nahin
Jis se taskeen ho meri ae qaasidAisi to baat to kehta hi nahin
Aur bhi aisi to baatein hain bahutGila-e-ranjish be-jaa hi nahin
Lay gayin neechi nigahen dil koAankh utha kar abhi dekha hi nahin
Rashk-e-dushman se nasihat hui aapDil wahan jaane ko hota hi nahin
Aur jo zulm ho manzoor mujheGhair se rabt gawara hi nahin
Yaan to yeh muntazir-e-wa'da humAur waan yaad woh waada hi nahin
Rabt-e-dushman se hai inkaar abasHamein is baat ka shikwa hi nahin
Hum khuda se bhi nahin maangte kuchYaan koi apni tamanna hi nahin
Na sahi koi buraai na sahiTum se milna mujhe achha hi nahin
Is ki har baat ko sach samjhe NizaamIs sa 'ayaar to paida hi nahin
فرہنگ
تشریح
اس غزل میں عاشق اپنے محبوب سے گلہ کرتا ہے کہ اس کی طرف سے ملنے کی کوئی خواہش نظر نہیں آتی، حالانکہ عاشق خود بھی اس کی ملاقات کا خواہش مند ہے۔ شاعر کا لہجہ شکوہ آمیز اور طنزیہ ہے، جس میں بے نیازی اور رنجش دونوں جھلکتے ہیں۔ مثلاً "لے گئیں نیچی نگاہیں دل کو، آنکھ اٹھا کر ابھی دیکھا ہی نہیں" میں محبوب کی شرمیلی نگاہوں کا اثر اور اس کی لاتعلقی کا بیان ہے۔ آخری شعر میں شاعر طنز کے ساتھ کہتا ہے کہ اس کی ہر بات کو سچ سمجھنے والا اس جیسا عیار پیدا ہی نہیں ہوا۔