تم سے کچھ کہنے کو تھا بھول گیاہاے کیا بات تھی کیا بھول گیا
بھولی بھولی جو وہ صورت دیکھیشکوۂ جور و جفا بھول گیا
دل میں بیٹھا ہے یہ خوف اس بت کاہاتھ اٹھے کہ دعا بھول گیا
خوش ہوں اس وعدہ فراموشی سےاس نے ہنس کر تو کہا بھول گیا
حال دل سنتے ہی کس لطف سے ہاےکچھ کہا کچھ جو رہا بھول گیا
واں کس امید پہ پھر جاے کوئیاے دل اس بات کو کیا بھول گیا
ہوش میں آ کے سنا کچھ قاصدیاد کیا ہے تجھے کیا بھول گیا
عہد کیا تھا مجھے کچھ یاد نہیںیہی گر بھول گیا بھول گیا
میں ادھر بھول گیا رنج فراقوہ ادھر عذر جفا بھول گیا
یاد میں ایک صنم کی ناصحمیں تو سب کچھ بخدا بھول گیا
خیر مجھ پر تو جو گزری گزریشکر وہ طرز وفا بھول گیا
یاد اس کی ہے مری زیست نظامؔموت آئی جو ذرا بھول گیا
— نظام رامپوری
Tum se kuch kehne ko tha bhool gayaHaye kya baat thi kya bhool gaya
Bholi bholi jo woh surat dekhiShikwa-e-jor-o-jafa bhool gaya
Dil mein baitha hai yeh khauf is but kaHath uthe ke dua bhool gaya
Khush hun is wada-farammoshi seUs ne hans kar to kaha bhool gaya
Haal-e-dil sunte hi kis lutf se hayeKuch kaha kuch jo raha bhool gaya
Waan kis umeed pe phir jaye koiAe dil is baat ko kya bhool gaya
Hosh mein aa ke suna kuch qasidYaad kya hai tujhe kya bhool gaya
Ahd kya tha mujhe kuch yaad nahinYehi gar bhool gaya bhool gaya
Main idhar bhool gaya ranj-e-firaqWoh udhar uzr-e-jafa bhool gaya
Yaad mein ek sanam ki nasihMain to sab kuch bakhuda bhool gaya
Khair mujh par to jo guzri guzriShukr woh tarz-e-wafa bhool gaya
Yaad us ki hai meri zeest NizamMaut aayi jo zara bhool gaya
فرہنگ
تشریح
اس غزل میں شاعر نے بھول جانے کے مضمون کو محبوب سے گفتگو کے مختلف رنگوں میں باندھا ہے۔ عاشق کہنا چاہتا تھا مگر محبوب کی بھولی بھالی صورت دیکھ کر شکوۂ جور و جفا بھول جاتا ہے، اور اس کے دل میں محبوب کا خوف ایسا ہے کہ دعا کے لیے اٹھے ہاتھ بھی یاد نہیں رہتے۔ لہجہ شوخ اور طنزیہ ہے، جس میں وعدہ فراموشی کو بھی خوشی سے قبول کیا گیا ہے۔ مقطع میں شاعر کہتا ہے کہ محبوب کی یاد ہی اس کی زندگی ہے، اور موت آنے پر بھی وہ ذرا سی دیر کے لیے اسے بھول جاتا ہے۔