غزل 8 اشعار

اہل الفت سے تنے جاتے ہیں

Ahl-e-ulfat se tane jaate hain

اہل الفت سے تنے جاتے ہیںروز روز آپ بنے جاتے ہیں

ذبح تو کرتے ہو کچھ دھیان بھی ہےخون میں ہاتھ سنے جاتے ہیں

روٹھنا ان کا غضب ڈھائے گااب وہ کیا جلد منے جاتے ہیں

کچھ ادھر دل بھی کھنچا جاتا ہےکچھ ادھر وہ بھی تنے جاتے ہیں

کیوں نہ غم ہو مجھے رسوائی کاوہ مرے ساتھ سنے جاتے ہیں

دل نہ گھبرائے کہ وہ روٹھ گئےچار فقروں میں منے جاتے ہیں

ہے یہ مطلب نہیں چھیڑے کوئیبیٹھے بیٹھے وہ تنے جاتے ہیں

بے وفاؤں سے وفا کی امیدنوحؔ نادان بنے جاتے ہیں

— نوح ناروی

فرہنگ

اہل الفت — محبت کرنے والے لوگ
غضب ڈھائے — سخت ظلم یا قہر برپا کرے
رسوائی — بدنامی، ذلت

تشریح

اس غزل میں عاشق اپنے محبوب کی بے رخی، ناز اور روٹھنے کی ادا کو مزاحیہ اور نرم لہجے میں بیان کرتا ہے۔ محبوب اہلِ الفت سے بار بار تنا رہتا ہے اور پھر آسانی سے مان بھی جاتا ہے۔ شاعر کا لہجہ شکایت اور طنز کے ساتھ ساتھ پیار بھرا ہے۔ مثلاً "دل نہ گھبرائے کہ وہ روٹھ گئے، چار فقروں میں منے جاتے ہیں" میں یہ بتایا گیا ہے کہ محبوب کا روٹھنا عارضی ہے اور تھوڑی سی بات میں مان جاتا ہے۔ آخری شعر میں شاعر خود کو نادان بنا کر بے وفاؤں سے وفا کی امید کا اظہار کرتا ہے۔