یہ سماں یہ لطف یہ دل چسپ منظر دیکھ کرہو گئے بے گھر ہزاروں آپ کا گھر دیکھ کر
اس طرف دل دیکھ کر اور اس طرف سر دیکھ کرپانو رکھنا چاہئے تم کو زمیں پر دیکھ کر
چین کیوں آنے لگا جلووں کو دم بھر دیکھ کرپہلے دیکھوں گا انہیں پھر ہوں گا مضطر دیکھ کر
کہہ گیا وہ میرے اجڑے گھر کا منظر دیکھ کرخاک پتھر شاد ہوں میں خاک پتھر دیکھ کر
اللہ اللہ اس قدر تاثیر سودائے بہاردل کی اک اک رگ پھڑک اٹھتی ہے نشتر دیکھ کر
ہر گھڑی مجھ کو رہی صورت پرستی ہی کی دھنمیں ہوا بیتاب اکثر سن کر اکثر دیکھ کر
حسرت نظارہ محشر میں ہمیں لائی تو ہےکیا ہمارا حال ہوگا ان کو دن بھر دیکھ کر
قتل کی اب کیا ضرورت ہم تو یوں ہی مر گئےان کے نازک ہاتھ میں چھوٹا سا خنجر دیکھ کر
جو دعا دیتے تھے جینے کی مجھے وہ دوست بھیاٹھ گئے بالیں سے میرا حال ابتر دیکھ کر
قصد تھا ہو کر پلٹ آئیں گے اب ٹلتے نہیںپانو پھیلانے لگے ہم کوئے دل بر دیکھ کر
دل انہیں دیں گے مگر ہم دیں گے ان شرطوں کے ساتھآزما کر جانچ کر سن کر سمجھ کر دیکھ کر
ایک منبر تھا وہاں دو چار تھے ظرف وضوہو گئی حیرت ہمیں اللہ کا گھر دیکھ کر
وہ سمجھتے ہیں یہ کوئی طالب دیدار ہےسایۂ قامت کو بھی رستے میں اکثر دیکھ کر
دشت سے برسوں میں لائی تھی ہمیں حب وطناور وحشت بڑھ گئی اجڑا ہوا گھر دیکھ کر
شش جہت کے غم سے مے خواروں کو چھٹکارا ملاخم سبو شیشہ صراحی جام ساغر دیکھ کر
داور محشر کو اتنی جانچ کی فرصت کہاںپھینک دے گا وہ مرے عصیاں کا دفتر دیکھ کر
بت پرستی تک پہنچتی ہے کہاں ناصح یہ باتخوش ہوا کرتا ہوں میں خوش رنگ پتھر دیکھ کر
غم مجھے کیا ہو کہ تنہا مبتلائے غم نہیںمطمئن ہے دل مرا دنیا کو مضطر دیکھ کر
میرے دل میں آئے وہ اپنے حریم ناز سےتیسرا گھر اب نہ دیکھیں دوسرا گھر دیکھ کر
نوحؔ اس طوفان پر کیا ابر کو ترجیح دوںپانی پانی ہے وہ جوش دیدۂ تر دیکھ کر
— نوح ناروی
Yeh samaan yeh lutf yeh dil chasap manzar dekh karHo gaye be ghar hazaroon aap ka ghar dekh kar
Is taraf dil dekh kar aur is taraf sar dekh karPaon rakhna chahiye tum ko zameen par dekh kar
Chain kyun aane laga jalwoon ko dam bhar dekh karPehle dekhoon ga unhein phir hoon ga muztar dekh kar
Keh gaya woh mere ujde ghar ka manzar dekh karKhaak patthar shaad hoon main khaak patthar dekh kar
Allah Allah is qadar taaseer-e-sauda-e-bahaarDil ki ik ik rag phadak uthti hai nishtar dekh kar
Har ghadi mujh ko rahi surat parasti hi ki dhunMain hua betaab aksar sun kar aksar dekh kar
Hasrat-e-nazzara-e-mahshar mein hamein laayi to haiKya hamara haal hoga un ko din bhar dekh kar
Qatl ki ab kya zaroorat hum to yoon hi mar gayeUn ke naazuk haath mein chhota sa khanjar dekh kar
Jo dua dete the jeene ki mujhe woh dost bhiUth gaye baalein se mera haal abtar dekh kar
Qasd tha ho kar palat aayein ge ab talte nahinPaon phailane lage hum koo-e-dilbar dekh kar
Dil unhein dein ge magar hum dein ge un shartoon ke saathAazma kar jaanch kar sun kar samajh kar dekh kar
Ek mimbar tha wahan do chaar the zarf-e-wazuHo gayi hairat hamein Allah ka ghar dekh kar
Woh samajhte hain yeh koi taalib-e-deedaar haiSaaya-e-qaamat ko bhi raste mein aksar dekh kar
Dasht se barsoon mein laayi thi hamein hubb-e-watanAur wahshat badh gayi ujda hua ghar dekh kar
Shash jihat ke gham se mai-khaaroon ko chhutkara milaKhum saboo sheesha surahi jaam saaghar dekh kar
Dawar-e-mahshar ko itni jaanch ki fursat kahanPhaenk de ga woh mere isyan ka daftar dekh kar
But parasti tak pahunchti hai kahan naasih yeh baatKhush hua karta hoon main khush rang patthar dekh kar
Gham mujhe kya ho ke tanha mubtala-e-gham nahinMutma-in hai dil mera duniya ko muztar dekh kar
Mere dil mein aaye woh apne hareem-e-naaz seTeesra ghar ab nah dekhein doosra ghar dekh kar
Nooh is toofan par kya abr ko tarjeeh doonPaani paani hai woh josh-e-deeda-e-tar dekh kar
فرہنگ
تشریح
اس غزل میں شاعر محبوب کے حسن اور اس کی جلوہ گری سے پیدا ہونے والی بے تابی اور دل کی شکستگی کو بیان کرتا ہے۔ محبوب کے دیدار سے شاعر کا گھر اجڑ جاتا ہے اور اس کے دل میں خواہش اور بے قراری بڑھتی ہے۔ شاعر کا لہجہ حسرت، شوخی اور عاشقانہ خودداری کا ہے۔ مثلاً "قتل کی اب کیا ضرورت ہم تو یوں ہی مر گئے / ان کے نازک ہاتھ میں چھوٹا سا خنجر دیکھ کر" میں محبوب کے معمولی ہتھیار سے بھی عاشق کے مر جانے کا مضمون نمایاں ہے۔