اپنے اپنے رنگ میں یکتا میں ہی میں ہوں تو ہی تو ہےحسن کی مورت عشق کا پتلا میں ہی میں ہوں تو ہی تو ہے
دنیا سے کیا مطلب مجھ کو عالم سے کیا تجھ کو تعلقمیرا دل بر تیرا شیدا میں ہی میں ہوں تو ہی تو ہے
چل کر پھر کر دیکھا بھالا جانچا پرکھا سمجھا بوجھاسب سے اعلیٰ سب سے ادنیٰ میں ہی میں ہوں تو ہی تو ہے
ظلم سے رکھے کام ہمیشہ دعوے کرتا جائے وفا کاکون زمانے میں ہے ایسا میں ہی میں ہوں تو ہی تو ہے
خون جگر سے قول رہا یہ میرے اشک چشم تر کاچڑھتا دریا بہتا دریا میں ہی میں ہوں تو ہی تو ہے
تو ہی تو ہے میں ہی میں ہوں عالم میں عالم سے نرالادنیا میں دنیا سے انوکھا میں ہی میں ہوں تو ہی تو ہے
دل نہ تجھے لینا تھا مجھ سے جان مجھے دینی تھی نہ تجھ پرکیسا دنیا بھر میں رسوا میں ہی میں ہوں تو ہی تو ہے
کیسی عذرا کیسی لیلیٰ کیسا وامق کیسا مجنوںاب مشہور جہاں میں کیا کیا میں ہی میں ہوں تو ہی تو ہے
یوں تو ہیں معشوق ہزاروں یوں تو ہیں لاکھوں عاشق بھیلیکن بہتر نادر یکتا میں ہی میں ہوں تو ہی تو ہے
نوحؔ یہ باتیں مٹ جائیں گی تیرے میرے مٹ جانے سےچاہنے والا عشق و وفا کا میں ہی میں ہوں تو ہی تو ہے
— نوح ناروی
Apne apne rang mein yakta main hi main hoon tu hi tu haiHusn ki moorat ishq ka putla main hi main hoon tu hi tu hai
Duniya se kya matlab mujh ko aalam se kya tujh ko taalluqMera dilbar tera shaida main hi main hoon tu hi tu hai
Chal kar phir kar dekha bhala jaancha parakha samjha boojhaSab se aala sab se adna main hi main hoon tu hi tu hai
Zulm se rakhey kaam hamesha daaway karta jaye wafa kaKaun zamane mein hai aisa main hi main hoon tu hi tu hai
Khoon-e-jigar se kaul raha yeh mere ashk-e-chashm-e-tar kaChadhata darya behta darya main hi main hoon tu hi tu hai
Tu hi tu hai main hi main hoon aalam mein aalam se niralaDuniya mein duniya se anokha main hi main hoon tu hi tu hai
Dil na tujhe lena tha mujh se jaan mujhe deeni thi na tujh parKaisa duniya bhar mein ruswa main hi main hoon tu hi tu hai
Kaisi Uzra kaisi Laila kaisa Wamiq kaisa MajnoonAb mashhoor-e-jahan mein kya kya main hi main hoon tu hi tu hai
Youn to hain maashooq hazaron youn to hain lakhon aashiq bhiLekin behtar nadir yakta main hi main hoon tu hi tu hai
Nuh yeh baatein mit jayein gi tere mere mit jaane seChahne wala ishq-o-wafa ka main hi main hoon tu hi tu hai
فرہنگ
تشریح
اس غزل میں عاشق اور معشوق کے باہمی تعلق کو انوکھے انداز میں بیان کیا گیا ہے۔ شاعر کا مرکزی خیال یہ ہے کہ دنیا کے تمام معیار اور رشتے ثانوی ہیں، اصل حقیقت صرف دو وجودوں کے عشق میں ہے، جن میں ہر ایک اپنی جگہ یکتا ہے۔ ردیف کے طور پر دہرایا گیا مصرع "میں ہی میں ہوں تو ہی تو ہے" شاعر کے بے باک اور پرجوش لہجے کو نمایاں کرتا ہے۔ مقطع میں شاعر کہتا ہے کہ دنیا کی باتیں مٹ جائیں گی، مگر عشق و وفا کا یہ رشتہ باقی رہے گا۔